ناۋرىز بەرەكە مەن بىرلىكتىڭ مەرەكەسى

مەرەكەگە جينالعان قاتىسۋشىلار مەن قوناقتاردىڭ قاراسى كوپ بولدى. كوكتەمنىڭ سۇيىكتى مەرەكەسىنە اينالعان ناۋرىز مەيرامى تابيعاتتىڭ جاندانۋى مەن جاڭارۋىن, رۋحاني تازارۋدى, جاقسىلىق پەن بەيبىتشىلىكتى بەينەلەيدى, قۋانىش پەن جاقسى كوڭىل-كۇي سىيلايدى.

ناۋرىزدىڭ حالىقتىڭ قوعامدىق كەلىسىمى مەن بىرلىگىن, ۇرپاقتار ساباقتاستىعىن نىعايتۋداعى, جاستاردى پاتريوتيزم رۋحىندا تاربيەلەۋدەگى جانە ۇلتتىق مادەنيەت پەن ءوزىنىڭ تاريحي وتكەنىنە قۇرمەت كورسەتۋدەگى ماڭىزى زور.

بۇل مەرەكە قازاقستاندا تۇراتىن بارلىق حالىقتاردى بىرىكتىرەدى. ەلىمىز مەرەكەنى ۇلكەن قۋانىشپەن جانە ماقتانىشپەن اتاپ وتەدى. بۇل حالىقتىڭ باي مۇراسىن باعالاۋعا, ەجەلگى داستۇرلەر مەن ادەت-عۇرىپتاردى دارىپتەۋگە تاماشا مۇمكىندىك بەرەدى.

مەرەكە اياسىندا جوو بولىمشەلەرى اراسىندا ۇزدىك ۇلتتىق ءداستۇر مەن داستارحان جايۋ ونەرى بويىنشا كونكۋرس ءوتتى.

يمپروۆيزاتسيالانعان اۋىلداردا «قۇدالىق», «قىز ۇزاتۋ» جانە «بەتاشار» تاقىرىپتارىندا ادەت-عۇرىپتارعا بايلانىستى ادەمى جانە اسەرلى قويىلىمدار ءوتتى. مەرەكەنىڭ جارقىن ەپيزودى «تۇساۋ كەسەر» ءراسىمى بولدى.