20 ناۋرىزدا قر سىرتقى ىستەر مينيسترلىگىنىڭ ءباسپاسوز قىزمەتى شەتەلدەگى بارلىق ۋچاسكەلىك سايلاۋ كوميسسيالارى ءوز جۇمىسىن اياقتاعانىن حابارلادى, دەپ جازادى Egemen.kz.
«قازاقستاننىڭ 62 شەت مەملەكەتتەگى ديپلوماتيالىق وكىلدىكتەرىندە جالپى سانى 12 132 سايلاۋشى بار 77 ۋچاسكەلىك سايلاۋ كوميسسياسى اشىلدى», دەپ حابارلادى مينيسترلىكتىڭ ءباسپاسوز قىزمەتى.
قازىرگى ۋاقىتتا شەتەلدەگى بارلىق ۋچاسكەلىك سايلاۋ كوميسسيالارى ءوز جۇمىسىن اياقتادى. داۋىس بەرۋگە 8800 قر ازاماتى قاتىستى, بۇل داۋىس بەرۋشىلەردىڭ 72,54% قۇرادى.