داۋىس بەرۋگە اسىقتى

وبلىستىق اۋماقتىق سايلاۋ كوميسسياسىنىڭ توراعاسى ازامات ايماناكۋموۆتىڭ مالىمەتىنشە, 412 165 سايلاۋشى تىركەلگەن 296 سايلاۋ ۋچاسكەسى داۋىس بەردى. وڭىردەگى 9 اۋرۋحانادا, اسكەري ءبولىم مەن ۋاقىتشا ۇستاۋ يزولياتورىندا 11 جابىق سايلاۋ ۋچاسكەسى اشىلعان. داۋىس بەرۋ ۇدەرىسىن ەۋروپاداعى قاۋىپسىزدىك پەن ىنتىماقتاستىق جونىندەگى ۇيىم­نىڭ 14 حالىقارالىق باي­قاۋشىسى باقىلادى.

تاڭمەن تالاساس تۇرىپ, سايلاۋ ۋچاسكەسىنە اسىققان ءدۇيسالى قال­دىباي جىلىوي اۋدانىنىڭ ورتا­لىعى – قۇلسارى قالاسىندا تۇرادى. قوس جانارى كورمەگەنىمەن, ومىرگە قۇش­تارلىعىن جويماعان. ۇنەمى بەلسەندى بول­ىپ جۇرەدى. ءتۇرلى سايىستارعا قا­تى­سىپ, كور­كەمسوز وقۋدىڭ شەبەرى اتان­عان زاعيپ جان بۇل سايلاۋدا دا بەل­سەن­­دىلىگىن تانىتتى. ءسويتىپ, ول قۇلسارى قالاسىنداعى №97 سايلاۋ ۋچاسكەسىنە العاشقى بولىپ داۋىس بەردى. ونى سايلاۋ ۋچاسكەسىنە ۇلى الىپ كەلگەن.

ال اتىراۋ قالاسىنىڭ تۇرعى­نى مار­جان سۇلتانوۆا – ءبىرىنشى توپ مۇگە­دەگى. بىراق ول دا سايلاۋ بيۋللە­تەنىن ۇيىنە الدىرماي, №38 سايلاۋ ۋچاس­كە­سىنە ءوزى كەلدى. ء«ار سايلاۋعا مىن­دەت­تى تۇردە قاتىسىپ ءجۇرمىن. مۇ­نى ءوزىمنىڭ ازاماتتىق بورىشىم دەپ ەسەپتەيمىن. بۇل سايلاۋدان كۇتەتىن ءۇمىتىم مول. سول سەبەپتەن, جاڭا باستامالارى بار ادال كانديداتتاردى قولداۋ ءۇشىن داۋىس بەردىم», دەيدى ول.

قۇرمانعازى اۋدانىنداعى تەڭىز اۋىلدىق وكرۋگىندە ورنالاسقان №177 سايلاۋ ۋچاسكەسى سايلاۋ كوميسسياسىنىڭ توراعاسى داۋلەت قاۋمەنوۆتىڭ مالىمەتىنشە, مۇندا 1 114 سايلاۋشى تىركەلگەن. ونىڭ ىشىندە مۇمكىندىگى شەكتەلگەن 2 سايلاۋشى بار. ال 16 ادام ۇيدەن داۋىس بەرۋگە ءوتىنىش تۇسىرگەن. 

داۋىستى ءوز ۇيىندە بەرگەن­دەردىڭ قاتارىندا ارداگەر ەكاتەرينا ابسا­تىروۆا دا بار.

«مەنىڭ بالالىق شاعىم سوعىس جىلدارىمەن تۇسپا-تۇس كەلدى. وتباسىمىزبەن كونتسلاگەر تۇت­قىنى بولدىق. تۇتقىنداعى ءۇش جىلدا كورگەن قورلىعىم ءالى دە تۇسىمە ەنەدى. قيىندىقتى جەڭۋگە تىرىستىق. بۇگىنگى بەيبىت ءومىردىڭ شىرقى بۇزىلماسا ەكەن دەپ تىلەيمىن. سوعىس ءورتى تۇتانباسىن, جاس ۇرپاق جوعارى ءبىلىم الىپ, باقۋاتتى ءومىر سۇرسە ەكەن», دەيدى ە.ابساتىروۆا.

اتىراۋ وبلىسى