سولتۇستىك قازاقستان وبلىسىندا تاڭعى ساعات 7:00-دە 631 سايلاۋ ۋچاسكەسى اشىلدى. داۋىس بەرۋگە وبلىستىڭ 384 مىڭنان استام تۇرعىنى قاتىسا الادى, دەپ حابارلايدى Egemen.kz.
پەتروپاۆل قالاسى س.مۇقانوۆ اتىنداعى وبلىستىق امبەباپ عىلىمي كىتاپحاناسىندا ورنالاسقان №586 ۋچاسكەسىندە 1284 سايلاۋشى تىركەلگەن.
«العاش رەت سايلاۋ ۋچاسكەسىندە بەس ادام داۋىس بەردى. ەڭ قارت سايلاۋشى 94 جاستا. جاسىرىن داۋىس بەرۋگە ارنالعان التى كابينا جابدىقتالدى», دەدى سايلاۋ ۋچاسكەسىنىڭ توراعاسى گالينا ميتروفانوۆا.
گ.ميتروفانوۆا ادەتتە اعا بۋىن وكىلدەرى ءبىرىنشى بولىپ داۋىس بەرەتىنىن ايتادى. ۋچاسكەدە 580 زەينەتكەر تىركەلگەن.
ءبىرىنشى بولىپ داۋىس بەرىپ, سايلاۋعا العاش رەت قاتىسقاندار سيمۆوليكالىق سىيلىقتارعا يە بولادى.
پەتروپاۆلدا بارلىعى 97 سايلاۋ ۋچاسكەسى بار.
وبلىس بويىنشا ءبىر مانداتتى اۋماقتىق وكرۋگتەر بويىنشا وبلىستىق ءماسليحاتتىڭ 15 اۋدانىندا – 53, قالانىڭ 18 اۋدانىندا – 53 جانە اۋداندىق ءماسليحاتتىڭ 145 وكرۋگىندە – 450 كانديدات تىركەلدى.