الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن ءجىتى نازاردا ۇستاۋ, باعا تۇراقتىلىعىن ساقتاۋ ماسەلەلەرى جەرگىلىكتى اكىمدىك تاراپىنان قاتاڭ باقىلاۋعا الىنعان. شىمكەنتتە وسىنداي الەۋمەتتىك ازىق-ت ۇلىك ونىمدەرىن ساۋدالايتىن بىرنەشە دۇكەن بار. سونىڭ ءبىرى – شاياحمەتوۆ كوشەسىندە ورنالاسقان «Qaz et» الەۋمەتتىك دۇكەنى.
قالا تۇرعىندارىنىڭ كوپشىلىگى باعاسى تومەن بولعاندىقتان ەتتى وسى دۇكەننەن ساتىپ الادى. مۇندا سيىر ەتى 2 300 تەڭگەدەن ساتىلىپ جاتىر. نارىقتا ونىڭ باعاسى كىشكەنە قىمباتتاۋ. اتالعان ساۋدا نۇكتەسى 2022 جىلدىڭ جەلتوقسان ايىندا اشىلعان بولاتىن.
شاھاردا تاۋارلاردىڭ باعاسىن نەگىزسىز وسىرمەۋ جونىندە بىرقاتار ءىرى ساۋدا ورىندارىمەن كەلىسىمدەر جاسالعان. بۇگىندە «ماگنۋم» ساۋدا جەلىسىندە الەۋمەتتىك ماڭىزى بار 19 تاۋارعا بەلگىلەنگەن باعا قويىلعان. دۇكەندەر اكىمدىك بەكىتكەن سول باعادان اسىرماۋ كەرەك. ماسەلەن, ارزانداتىلعان ازىق-ت ۇلىك تاۋارلارىنىڭ اراسىندا ناننىڭ باعاسى – 92 تەڭگە, شەكەر – 445 تەڭگە, پياز – 225 تەڭگە, ءسابىز – 180 تەڭگە, كارتوپ – 180 تەڭگە, كۇنباعىس مايى – 860 تەڭگە بولىپ بەلگىلەنگەن.
شىمكەنت قالالىق اۋىل شارۋاشىلىعى جانە ۆەتەريناريا باسقارماسى ازىق-ت ۇلىك قاۋىپسىزدىگىن قامتاماسىز ەتۋ ءبولىمىنىڭ باسشىسى جاندوس حانيەۆ الەۋمەتتىك ەڭ قاجەتتى دەگەن ازىق-ت ۇلىك تاۋارلارىنىڭ باعاسىنا مىندەتتى تۇردە مونيتورينگ جاسالىپ وتىراتىنىن جەتكىزدى. ماماننىڭ ايتۋىنشا, بۇگىنگى تاڭدا شاھارداعى ازىق-ت ۇلىك نارىعىندا ەشقانداي تاپشىلىق جوق. اكىمدىك تاراپىنان جەرگىلىكتى كاسىپكەرلەرمەن 1 جىلعا كەلىسىمشارت ءتۇزىلىپ, ولارعا اينالىمعا قاراجات قارىز ەسەبىندە بەرىلگەن. وسى كۇندە شاھاردا 100-دەن استام ساۋدا نىساندارىندا الەۋمەتتىك ماڭىزى بار ازىق-ت ۇلىك تاۋارلارى بەلگىلەنگەن باعادا ساتىلىپ جاتىر.
وسى ورايدا ايتا كەتكەن ءجون, باعا بەلگىلەنگەنىمەن ءار توقسان سايىن نارىقتاعى جاعدايعا بايلانىستى وزگەرىپ وتىرادى. سوعان سايكەس ءار توقساندا كوميسسيا شەشىم شىعارىپ, نارىقتاعى باعادان 10-15 پايىز تومەن الەۋمەتتىك باعا بەكىتىلەدى. جالپى, العاندا الەۋمەتتىك ماڭىزى بار ازىق-تۇلىك تاۋارلارىنىڭ باعاسىنا كۇندەلىكتى مونيتورينگ جۇرگىزۋ جالعاسىن تابا بەرەدى.