ىشكى ىستەر مينيسترلىگى رەسپۋبليكا اۋماعىندا 11 ادامنان تۇراتىن قىلمىستىق توپتىڭ جولىن كەستى. ولار Kyzdar.Net ينتەرنەت-سايتى ارقىلى ونلاين جەڭگەتايلىقپەن اينالىسقان جانە كۇن سايىن 2 ملن تەڭگەگە دەيىن پايدا ءتۇسىرىپ وتىرعان, دەپ حابارلايدى Egemen.kz Polisia.kz-كە سىلتەمە جاساپ.
قىلمىستىق توپقا قاتىسۋشىلاردىڭ جالپى اقشا اينالىمى 8 ملرد تەڭگەنى قۇرايدى. سايتقا جىنىستىق سيپاتتاعى 6 مىڭعا جۋىق حابارلاندىرۋ سالىنعان. ساۋالنامالار بويىنشا قابىلدانعان شارالاردىڭ ناتيجەسىندە 150 ادام انىقتالىپ, ولاردان جاۋاپ الىندى, ولار سايتتىڭ توپ-مەنەدجەرلەرىنە جۇيەلى تۇردە اقشا اۋدارىپ وتىرعاندارىن راستادى.
ساراپتاما نەگىزىندە سايتتاعى ماتەريالدار پورنوگرافيالىق سيپاتتاعى تۋىندىعا جاتاتىنى انىقتالدى, سونداي-اق اقىلى جىنىستىق قىزمەتتەردى ىزدەپ, پايدالانۋعا ارنالعان. استانا, الماتى, پاۆلودار قالالارىندا جۇرگىزىلگەن ءتىنتۋ شارالارىنىڭ ناتيجەسى بويىنشا 23 ملن تەڭگەدەن استام اقشا, ونىڭ ىشىندە كريپتوۆاليۋتا, اۆتوماشينالار, كومپيۋتەرلەر, ۇيالى تەلەفوندار جانە باسقا دا تسيفرلىق تاسىمالداعىشتار تاركىلەنىپ الىندى. سوت كومپيۋتەرلىك-تەحنيكالىق ساراپتاما تاعايىندالدى.
اتالعان فاكت بويىنشا قىلمىستىق كودەكستىڭ «جەزوكشەلىكپەن اينالىسۋ ءۇشىن پريتون ۇيىمداستىرۋ نەمەسە ۇستاۋ جانە جەڭگەتايلىق» دەگەن 309-بابى بويىنشا سوتقا دەيىنگى تەرگەۋ جۇرگىزىلىپ جاتىر. قازىر مۇددەلى مەملەكەتتىك ورگاندارمەن بىرلەسىپ, پايدالانۋشىلاردىڭ ۆەب-سايتقا قول جەتىمدىلىگىن بۇعاتتاۋ بويىنشا شارالار قابىلدانىپ جاتىر. سوتقا دەيىنگى تەرگەپ-تەكسەرۋ جالعاسۋدا.