بيىل ەلوردادا 25 ينۆەستيتسيالىق جوبا ىسكە قوسىلۋى مۇمكىن, دەپ حابارلايدى Egemen.kz.
بۇل تۋرالى استانا قالاسىنىڭ اكىمى جەڭىس قاسىمبەك ءوزىنىڭ Instagram پاراقشاسىندا جازدى.
«ەلوردامىزدىڭ ەكونوميكاسىنىڭ نەگىزىن شاعىن جانە ورتا بيزنەس قۇرايدى. قالا تۇرعىندارى مەن قوناقتارى ولاردىڭ قىزمەتىن كۇن سايىن پايدالانادى
سول سەبەپتى ءبىز كاسىپكەرلەرگە قولداۋ كورسەتۋ, جەكە ينۆەستيتسيالار تارتۋ, قالانىڭ بيزنەس-احۋالىن ودان ءارى جاقسارتۋ بويىنشا ۇلكەن جۇيەلى جۇمىس جۇرگىزىپ كەلەمىز.
بيىل 25 ينۆەستيتسيالىق جوبانى ىسكە قوسۋدى جوسپارلاپ وتىرمىز. ماسەلەن بۇل جوبالاردىڭ اراسىندا ونەركاسىپ, لوگيستيكا, مەديتسينا, ءبىلىم بەرۋ, سپورت, اگروونەركاسىپتىك كەشەن جانە ت.ب. بار. بۇل جوبالار ەلوردا ەكونوميكاسىنا شامامەن 87 ملرد تەڭگە جەكە ينۆەستيتسيا تارتۋعا, تۇراقتى جۇمىس ورىندارىن اشۋعا مۇمكىندىك بەرەدى», دەپ جازدى قالا اكىمى.
اكىمنىڭ ايتۋىنشا, فۋلفيلمەنت-ورتالىعى 40 ملرد تەڭگە جەكە ينۆەستيتسيا تارتۋعا مۇمكىندىك بەرەدى.
«ۆيتسە-پرەمەر – ساۋدا جانە ينتەگراتسيا ءمينيسترى سەرىك جۇمانعارينمەن بىرگە Ozon فۋلفيلمەنت-ورتالىعىن اشتىق. بۇل – كاسىپكەرلەرگە ونلاين-بيزنەستى كەڭەيتۋگە مۇمكىندىك بەرەتىن ءىرى لوگيستيكالىق حاب. وندا 9 ملن-عا دەيىن ءتۇرلى تاۋارلاردى ساقتاۋعا بولادى: ازىق-ت ۇلىك, ەلەكترونيكا, قۇرىلىس ماتەريالدارى جانە ت.ب. اتالعان فۋلفيلمەنت-ورتالىق 40 ملرد تەڭگە جەكە ينۆەستيتسيا تارتۋعا مۇمكىندىك بەردى.
سول سياقتى قالادا جەكە قاراجات ەسەبىنەن الەۋمەتتىك نىسانداردىڭ (مەكتەپتەر, بالاباقشالار, مەديتسينالىق ورتالىقتار), زاۋىتتاردىڭ, لوگيستيكالىق ورتالىقتاردىڭ, وندىرىستىك-تاماق كەشەنىنىڭ (نان زاۋىتى, ءسۇت وڭدەۋ زاۋىتى, كوكونىس قويماسى) جانە ت.ب. قۇرىلىسى ءجۇرىپ جاتىر», دەدى جەڭىس قاسىمبەك.