كەيىنگى كۇندەرى دوللار باعامى كۇرت ءوستى. بۇگىن اقشا ايىرباستاۋ ورىندارىندا امەريكالىق ۆاليۋتا باعامى 470 تەڭگەگە دەيىن كوتەرىلدى, دەپ حابارلايدى Egemen.kz kurs.kz سايتىنا سىلتەمە جاساپ.
بۇگىن دوللاردىڭ رەسمي باعامى 458,22 تەڭگە بولىپ بەلگىلەنگەن.
استاناداعى اقشا ايىرباستاۋ ورىندارىندا ءبىر دوللاردى 466 تەڭگەگە ساتىپ الۋعا بولادى, ال ساتۋ 470 تەڭگەگە جەتكەن. ەۋرو دا قىمباتتاپ بارادى. بۇگىندە جەكە اقشا الماستىرعىشتارداعى ساتىلىم 505 تەڭگەگە جەتەدى. قازاقستاندا باسقا ۆاليۋتالارمەن بىرگە رۋبل دە قىمباتتادى. قازىردىڭ وزىندە 6,2 تەڭگەدەن ساتىلىپ جاتىر.الماتىنىڭ اقشا ايىرباستاۋ پۋنكتتەرىندە دوللارعا قاتىستى جاعداي ءبىرشاما جاقسىراق, ورتاشا ەسەپپەن ساتىپ الۋ 469 تەڭگە دەڭگەيىندە. امەريكالىق ۆاليۋتانى ارزانىراق – ورتاشا ەسەپپەن 464-465 تەڭگەگە ساتۋعا بولادى.
بىراق الماتىدا ەۋرو قىمباتىراق ساتىلىپ جاتىر, ونىڭ باعاسى 506 تەڭگەگە دەيىن كوتەرىلگەن.