ەلوردادا 21-23 ناۋرىز ارالىعىندا «ناۋرىز بازارى» شىعىس جارمەڭكەسى وتەدى, دەپ حابارلايدى Egemen.kz استانا اكىمدىگىنىڭ ءباسپاسوز قىزمەتىنە سىلتەمە جاساپ.
ءىس-شارا ەكسپو حالىقارالىق كورمە ورتالىعىنىڭ اۋماعىندا وتەدى.
«ناۋرىز بازارى» شىعىس جارمەڭكەسى ەتنوستيلدەگى كيىمدەردىڭ, زەرگەرلىك بۇيىمداردىڭ, كەراميكا, مەتالل, كيىز جانە جىبەكتەن جاسالعان زاتتاردىڭ, كادەسىيلاردىڭ جاڭا توپتامالارىنىڭ باي تاڭداۋىن ۇسىنادى.
قالا تۇرعىندارى ءۇشىن ەلىمىزدىڭ ءار وڭىرىنەن باس قوسقان ەڭ جاقسى شارۋا قوجالىقتارى مەن تاۋار وندىرۋشىلەردىڭ جاڭا ونىمدەرى ەڭ ءتيىمدى باعامەن قولجەتىمدى بولادى. مەرەكە قۇرمەتىنە بارلىق تاۋارلارعا ۇلكەن جەڭىلدىكتەر جوسپارلانىپ وتىر.
شىعىس تاعامدارى فەستيۆالى جۇرتشىلىقتى اسىعا كۇتەدى.
جارمەڭكە 21 ناۋرىز كۇنى ساعات 13:00-18:00 ارالىعىندا, ال 22 جانە 23 ناۋرىز كۇندەرى ساعات 09:00-دەن 18:00-گە دەيىن جۇمىس ىستەيدى.