مىقتى اۋىل – ەل دامۋىنىڭ نەگىزى

«لرت قۇرىلىسى كەزىندە 6 اكىم اۋىستى. قۇرىلىس-مونتاجداۋ جۇمىستارىنىڭ تەك 17 پا­يىزى ورىندالدى. قوعامدىق تالقىلاۋلار ورىن العان جوق. بۇل فاكت ەلگە قالا ازاماتتارى شەشىم قابىلداي الاتىنداي پلەبيستسيت ينستيتۋتى قاجەت ەكەنىن ايعاقتايدى», دەپ اتاپ ءوتتى ءوز سوزىندە جسدپ-دان پارلامەنت ءماجىلىسىنىڭ دەپۋتاتتىعىنا پارتيا ءتىزىمى بويىنشا كانديدات اسحات راقىمجانوۆ.

كانديدات نۇرلان اۋەسباەۆ قۇرىلىس سالاسى جەمقورلىق بەلەڭ العان سالالاردىڭ ءبىرى ەكەندىگىن اتاپ ءوتتى. ونىڭ پىكىرىنشە, زاڭسىز ءارى تۇرعىنداردىڭ پىكىرى ەسكەرىلمەي, كوپپاتەرلى ۇيلەر سالىناتىن جەر ۋچاسكەلەرى ءبولىنىپ جاتىر. ال كانديدات ماقسۇت ناسيبۇلوۆ ەلىمىزدىڭ قۇرىلىس سالاسىندا تامىرى تەرەڭگە كەتىپ جاتقان سىبايلاس جەمقورلىققا قاتىستى الاڭداۋشىلىق ءبىلدىردى. ميتينگ سوڭىندا قارار قابىلدانىپ, ءتيىستى ورگاندارعا جىبەرىلدى.

جسدپ-دان پارلامەنت ءماجىلىسىنىڭ دەپۋتات­تىعىنا پارتيا ءتىزىمى بويىنشا كانديدات بەرىك جاعىپاروۆ پەن جەڭىسكۇل دۇزباەۆا ۇلىتاۋ وبلىسى سايلاۋشىلارىمەن كەزدەستى.

دەپۋتاتتىققا كانديداتتار سايلاۋشىلاردى پار­تيانىڭ سايلاۋالدى باعدارلاماسىمەن تانىستىردى. نەسيە مولشەرلەمەسىن تومەندەتۋ, كاسىپكەرلەردىڭ سالىعىن ازايتۋ جانە زەينەتاقى جاسىن تومەندەتۋ ماسەلەلەرى كوتەرىلدى. ءىس-شارا بارىسىندا كانديداتتار تۇرعىنداردىڭ سۇراقتارىنا جاۋاپ بەردى.

جسدپ-دان پارلامەنتى ءماجىلىسىنىڭ دەپۋتات­تىعىنا پارتيا ءتىزىمى بويىنشا تاعى ءبىر كانديدات ۆيكتور كالگين جسدپ-نىڭ «ۇگىت-ناسيحات پويىزى» اياسىندا شەمونايحا قالاسىنا باردى.

سايلاۋشىلارمەن كەزدەسۋ بارىسىندا كانديدات جسدپ باعدارلاماسىنىڭ باستى ۇراندارىن اتاپ ءوتتى: ساياسي رەفورمالار باعىتىن كۇشەيتۋ; حالىقتىق پارلامەنتتىك باقىلاۋ – جەمقورلىقتىڭ باستى توس­قاۋىلى; حالىقتىڭ ەڭسەسىن كوتەرىپ, وليگارحتار­دى اشكەرەلەۋ; ازاماتتاردىڭ ءال-اۋقاتى دەڭ­گەيىن ارتتىرۋ; بارشاعا قولجەتىمدى الەۋمەتتىك قول­داۋ: مىقتى اۋىل – ەل قاۋىپسىزدىگىنىڭ نەگىزى.