قازاقستان بىرلەسكەن كاسىپورىندار اشىپ, الەمدەگى جەتەكشى فارماتسەۆتيكالىق كومپانيالاردىڭ ءوندىرىسىن لوكاليزاتسيالاۋدى جوسپارلاپ وتىر, دەپ حابارلايدى Egemen.kz.
قازىرگى كەزدە Hoffmann-La Roche (شۆەيتساريا), Pfizer (اقش), Novo Nordisk (دانيا), Takeda (جاپونيا), SK Plasma (وڭتۇستىك كورەيا) كومپانيالارىمەن بەلسەندى جۇمىس جۇرگىزىلۋدە. بۇل تۋرالى ۇكىمەت باسشىسى ءاليحان سمايىلوۆ مالىمدەدى.
سوڭعى بىرنەشە جىلدا قازاقستاننىڭ فارماتسەۆتيكا ونەركاسىبى شىعارىلاتىن دارىلىك زاتتاردىڭ اسسورتيمەنتىن كەڭەيتىپ, ءوندىرىس كولەمىن ۇلعايتتى.
بىراق پرەمەر-ءمينيستردىڭ ايتۋىنشا, ىشكى نارىقتا وتاندىق ءدارى-دارمەكتەردىڭ ۇلەسى باياۋ ءوسىپ جاتىر. قازىر ول 28 پايىزدى قۇرايدى. الداعى ۋاقىتتا ونى 50 پايىزعا دەيىن ارتتىرۋ جوسپارلانۋدا.