اقتوبە وبلىسى, تەمىر اۋدانىنداعى شۇبارقۇدىق ەلدى مەكەنىندە سۋ دەڭگەيى كوتەرىلە باستاعان. جەرگىلىكتى اكىمدىك جاعدايدىڭ الدىن الدى, دەپ حابارلايدى Egemen.kz.
تەمىر اۋدانى شۇبارقۇدىق اۋىلدىق وكرۋگىنىڭ اكىمى قايرات نۇرالى شۇبارقۇدىق كەنتىندە قاتتى جاۋىن-شاشىن مەن اۋا رايىنىڭ كۇرت جىلىنۋ سالدارىنان سۋ باسقان ەلدىمەكەندەگى جاعدايدى باياندادى.
قازىرگى تاڭدا كىرەبەرىستە اسفالت جولىنىنان اسىپ اققان سۋلار توقتاتىلعان. سونىمەن قاتار جول كومپانياسىنىڭ مەردىگەرلەرىمەن فبس 80 شەبەن ماتەريالدارى قازىلىپ قالعان ورىندارعا توسەلۋدە.
«تولاسىز جاڭبىر جاۋىپ, ارتىنشا قار ەري باستاعان سوڭ سۋ دەڭگەيى كوتەرىلىپ, كوشەلەردى سۋ باستى. اۋىلدىڭ كىرەبەرىسىن دە ءبىرتالاي سۋ باسىپ قالدى. ءتيىستى شارالاردى قابىلداپ جاتىرمىز. قازىر جاعداي قالىپتى», دەدى اكىم.