اگروبانك قۇرۋ ماسەلەسىن شەشۋ كەرەك. بۇل تۋرالى كتك ارناسىندا ءوتىپ جاتقان پارتيا وكىلدەرىنىڭ اراسىنداعى پىكىرسايىستا «اۋىل» حالىقتىق دەموكراتيالىق پارتياسى توراعاسىنىڭ ورىنباسارى جيگۋلي دايراباەۆ ايتتى, دەپ حابارلايدى Egemen.kz.
«اۋىل» پارتياسى ۇلتتىق ءال-اۋقاتتى ارتتىرۋدىڭ تۇبەگەيلى جانە جاڭا ساياساتىن ۇسىنادى جانە ونى جۇزەگە اسىرۋعا دايىن. پارتيا اۋىلدىق ايماقتار مەن اگرارلىق سالاعا رەۆيزيا جۇرگىزۋدى كوزدەپ وتىر. ءبىز ازىق-ت ۇلىك قاۋىپسىزدىگى تۋرالى زاڭ قابىلدايمىز. يندۋستريالدى-اگرارلىق ەلگە لايىق رەفورمالار بولۋى ءتيىس. مەملەكەتتىك بيۋدجەت ەسەبىنەن بارلىق اۋىل شارۋاشىلىعى تاۋارلارىن وندىرۋشىلەردىڭ كرەديتتىك جۇكتەمەسىن بوساتامىز. ەشكىمنىڭ باتىلى جەتپەگەن اگروبانك قۇرۋ ماسەلەسىن شەشەمىز», دەدى جيگۋلي دايراباەۆ.
ونىڭ ايتۋىنشا, اۋىل شارۋاشىلىعى ونىمدەرىن وندىرۋشىلەر ءۇشىن بۇكىل سالىق تۇرلەرىن جويۋ كەرەك.
«اتاپ ايتقاندا, «اۋىل» پارتياسى اۋىلعا جايلى تۇرمىستى قامتاماسىز ەتۋدى كوزدەپ وتىر. اۋىلداردىڭ ينفراقۇرىلىمىن قالپىنا كەلتىرىپ, دامىتۋ كەرەك. اۋىل ايەلدەرىنىڭ الەۋمەتتىك جاعدايىن جاقسارتۋ قاجەت, ياعني ولاردىڭ ءومىر سۇرۋىنە قولايلى جاعداي جاساۋ ماڭىزدى. ۇيدە بالا باعىپ, ونىڭ تاربيەسىمەن اينالىسىپ وتىرعان ايەلدەر مەملەكەتتەن قارجىلاي قولداۋ الۋى ءتيىس», دەدى پارتيا توراعاسىنىڭ ورىنباسارى.
سونىمەن قاتار ول اۋىل مەن قالا اراسىنداعى ءبىلىم جانە مەديتسينالىق قىزمەت سالاسىنداعى الشاقتىقتى بارىنشا جويۋ كەرەك ەكەنىن ايتتى.
«ەلىمىزدى يندۋستريالدى-اگرارلى دەرجاۆاعا اينالدىرامىز جانە سول ارقىلى ازىق-ت ۇلىك قاۋىپسىزدىگى دەڭگەيى وتە جوعارى مەملەكەت قۇرامىز. ءبىز باقۋاتتى اۋىل, دامىعان قالا, قۋاتتى مەملەكەت قالىپتاستىرامىز», دەدى ج. دايراباەۆ.