ۇلتتىق بانك توراعاسىنىڭ ورىنباسارى ءاليا مولدابەكوۆا اقپان ايىندا تەڭگەنىڭ نىعايۋىنا قانداي جاعداي اسەر ەتكەنىن ايتتى, دەپ حابارلايدى Egemen.kz.
ونىڭ ايتۋىنشا, اقپاندا تەڭگەنىڭ نىعايۋى شامامەن 3,2% بولدى.
«بىرىنشىدەن, مۇنداي ديناميكا ءىرى سالىق تولەمدەرىنىڭ ماۋسىمدىلىعىنا بايلانىستى كۇتىلدى, سەبەبى, اقپاننىڭ ەكىنشى جارتىسى «ۇلكەن» سالىق اپتاسى بولدى», دەدى ءاليا مولدابەكوۆا
ۇلتتىق بانك وكىلىنىڭ سوزىنشە, ەركىن وزگەرمەلى باعامعا كوشۋ باستالعاننان بەرى اقپاننىڭ سوڭعى ەكى اپتاسى تەڭگە ءۇشىن وڭ بولدى.
«ەكىنشىدەن, اقپان ىشىندە ۆاليۋتا نارىعىندا پوزيتيۆ جەتكىلىكتى بولدى – ءىرى توقساندىق سالىق اپتالىعىنان باسقا, ءبىز قارجى مينيسترلىگىنىڭ مەملەكەتتىك باعالى قاعازدارىنا بەيرەزيدەنتتەردىڭ اعىنىن بايقادىق», دەپ قوستى ول.
ونىڭ ايتۋىنشا, ۆاليۋتا نارىعىنا كۆازيمەملەكەتتىك كومپانيالاردىڭ ساتىلىمى دا قولداۋ كورسەتتى, اقپاندا ولاردىڭ كولەمى 295 ملن اقش دوللارىنا تەڭ بولدى.
«بيۋدجەتكە ترانسفەرتتى قامتاماسىز ەتۋ اياسىندا ۇلتتىق قوردان ساتۋ 590 ملن اقش دوللارىنا تەڭ بولدى, بۇل رەتتە ءبىر ساۋدا كۇنى ىشىندە ساتۋ كولەمى 30 ملن اقش دوللارىنان اسپادى. زەينەتاقى اكتيۆتەرىنىڭ ۆاليۋتالىق ۇلەسىن قولداۋ اياسىندا بجزق 226 ملن اقش دوللارىن ساتىپ الدى», دەدى ۇلتتىق بانك وكىلى.