جەمقورلىقپەن كۇرەسۋدىڭ جاڭا جولى

ءىس-شارا بارىسىندا كانديداتتار پارتيانىڭ سايلاۋالدى باعدارلاماسىنىڭ باسىم باعىتتارى جونىندە باياندادى. ونىڭ ىشىندە سىبايلاس جەمقورلىققا قارسى كۇرەسكە باعىتتالعان ۇسىنىستار سايلاۋشىلاردىڭ ەرەكشە قىزىعۋشىلىعىن تۋدىردى.

«تۇرعىندار «پارامەن ۇستالدى» دەگەن اقپاراتقا سەلك ەتپەيتىن بولدى. جەمقورلاردى قۇرىقتايدى دەگەن قىزمەتكەرلەردىڭ وزدەرى كەيدە پارامەن ۇستالىپ جاتادى. جەمقورلىقپەن كۇرەس ءىس-شارالارى جۇيەلى جالعاسىپ جاتىر دەپ ۇرانداتقانىمەن, كولەڭكەلى قىلمىسقا جول بەرۋشىلەردىڭ سانى ازايماي تۇر. سونىڭ ىشىندە, جاۋاپتى مەملەكەتتىك لاۋازىمدى اتقاراتىن جانە مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ازاماتتاردىڭ قىزمەتتىك وكiلەتتiكتەرىن تەرىس جانە زاڭسىز پايدالانۋ, كاسىپكەرلىك قىزمەتكە زاڭسىز ارالاسۋ, كەدەرگى جاساۋ, پارا الۋ, پارا بەرۋ, پاراقورلىققا دەلدال بولۋ, قىزمەتتىك جالعاندىق, جەكە جانە زاڭدى تۇلعالاردىڭ زاڭسىز ماتەريالدىق سىياقى بەرۋ سىندى سىبايلاس جەمقورلىق دەرەكتەرى دە ەل اۋماعىندا ءالى بەلەڭ الىپ وتىر. مەملەكەت بيۋدجەتىن ماقساتسىز پايدالانۋ, قىزمەت بابىن جەكە باس پايداسىنا جاراتۋ, جۇمىسقا قابىلداۋ بارىسىندا بەلگىلى ءبىر قاراجات مولشەرىن تالاپ ەتۋ, تەكسەرىس مەكەمەلەرىنىڭ كەلۋىنە وراي قارجى جيناۋ سەكىلدى سىبايلاس جەمقورلىق تاۋەكەلدەرى دە قازىر قوعامدا ءجيى ۇشىرادى. ەڭ الدىمەن, زاڭ ۇستەمدىگىن ورناتىپ, ناعىز قۇقىقتىق مەملەكەت قۇرۋ ءۇشىن جەمقورلىقتىڭ تامىرىنا بالتا شابۋ كەرەك. قۇقىق قورعاۋ ورگاندارى باتىل ارەكەت ەتپەي, سىبايلاس جەمقورلىقپەن ءتيىمدى كۇرەس جۇرگىزۋ مۇلدە مۇمكىن ەمەس. كوپ جىل بويى ولار ماسەلەنى تەرەڭ زەرتتەمەي تۇرىپ, پارا الۋشىلاردى قىلمىس ۇستىندە ۇستاپ كەلدى. ءارتۇرلى ادام ءبىر لاۋازىمدى اتقارىپ وتىرىپ, بىردەي ماسەلەلەردى شەشكەنى ءۇشىن كىنالى دەپ تانىلعان. ال سىبايلاس جەمقورلىقتىڭ بەلەڭ الۋىنا قاتىستى سەبەپتەر مەن جاعدايلار ەشكىمدى قىزىقتىرا قويماعان. تەك سوڭعى جىلدارى عانا وسى ماسەلەگە نازار اۋدارىلا باستاعانى بايقالادى», دەدى ۆالەري سموكۆين.