مەملەكەت باسشىسى قاسىم-جومارت توقاەۆ اقساي قالاسىنداعى جاستار رەسۋرستىق ورتالىعىندا ءوڭىردىڭ بەلسەندى جاستارىمەن جۇزدەستى, دەپ حابارلايدى Egemen.kz اقورداعا سىلتەمە جاساپ.
مەملەكەت باسشىسىمەن جۇزدەسكەن جاستار وزدەرىنىڭ جەتىستىكتەرى تۋرالى ايتتى.
پرەزيدەنت ەلىمىزدىڭ بولاشاعى وسكەلەڭ ۇرپاقتىڭ قولىندا ەكەنىنە توقتالىپ, مەملەكەت ەڭبەكقور جاستارعا, ولاردىڭ يدەيالارى مەن ۇسىنىستارىنا ارقاشان قولداۋ كورسەتەتىنىن ايتتى. سونداي-اق قاسىم-جومارت توقاەۆ دارىندى جاستارعا جول اشۋ كەرەك ەكەنىن جەتكىزدى.
اقساي قالاسىنداعى جاستار رەسۋرستىق ورتالىعى جەرگىلىكتى تۇرعىندارعا بىرنەشە باعىت بويىنشا قىزمەت كورسەتەدى:
ورتالىقتا «بولاشاق» كوۆوركينگ الاڭى, «ايالا» قايىرىمدىلىق دۇكەنى جۇمىس ىستەيدى.
مۇندا NEET ساناتىنداعى جاستاردى جۇمىسقا ورنالاستىرۋمەن اينالىساتىن جاستارعا قىزمەت كورسەتۋ ورتالىعى بار.
ورتالىق ماماندارى جاسوسپىرىمدەرگە, ومىردە ءتۇرلى قيىندىققا تاپ بولعان جاندارعا پسيحولوگيالىق كومەك كورسەتەدى.
كەزدەسۋ بارىسىندا «سەرپىن» باعدارلاماسىنىڭ تۇلەگى ديور نۋرۋللاەۆ مەملەكەت باسشىسىنان مونوقالالاردى دامىتۋ باعدارلاماسىندا جاس مامانداردى باسپانامەن قامتاماسىز ەتۋ مۇمكىندىگىن قاراستىرۋدى سۇرادى.