تۇركىستان وبلىسىنىڭ پروكۋرورى مارات ءاليحانوۆ جۇمىس ورنىندا قايتىس بولدى, دەپ حابارلايدى Egemen.kz.
مارات ءاليحانوۆتىڭ كەنەتتەن قايتىس بولعانى تۋرالى اقپاراتتى باس پروكۋراتۋرانىڭ ءباسپاسوز قىزمەتى راستادى.
مارات ءاليحانوۆ 1965 جىلى تۋعان. پروكۋراتۋرا ورگاندارىنداعى قىزمەتىن 1989 جىلى اقتوبە قالالىق پروكۋراتۋراسىنىڭ ستاجەر-تەرگەۋشىسى بولىپ باستاعان. سونداي-اق اقسۋ اۋداندىق سوتىنىڭ سۋدياسى, پاۆلودار وبلىسى ەكىباستۇز اۋدانىنىڭ, اقسۋ قالاسىنىڭ جانە پاۆلودار اۋدانىنىڭ پروكۋرورى قىزمەتتەرىن اتقارعان.
كەيىن مارات ءاليحانوۆ باس پروكۋراتۋرانىڭ دەپارتامەنتىن باسقاردى. 2012 جىلدىڭ قازان ايىندا قازاقستان رەسپۋبليكاسى ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ اقمولا وبلىسى بويىنشا دەپارتامەنتىن باسقاردى.
2014-2018 جىلدار ارالىعىندا باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى توراعاسىنىڭ ورىنباسارى جانە ءبىرىنشى ورىنباسارى قىزمەتتەرىن اتقارعان. مارات ءاليحانوۆ رەسپۋبليكانىڭ باس كولىك پروكۋرورى, پاۆلودار وبلىسى پروكۋرورىنىڭ ورىنباسارى بولعان ەدى.
ول 2020 جىلدىڭ اقپانىنان باستاپ تۇركىستان وبلىسىنىڭ پروكۋرورى قىزمەتىن اتقارىپ كەلگەن.