بوكسشى سەرىك ساپيەۆ قازاقستاندىقتاردان بالۋان زەلىمحان مۇسيحانوۆپەن بولعان جانجالدى ۇمىتۋدى سۇرادى, دەپ حابارلايدى Egemen.kz tengrinews.kz سايتىنا سىلتەمە جاساپ.
بۇعان دەيىن باق سەرىك ساپيەۆ پەن زەلىمحان مۇسيحانوۆتىڭ اراسىنداعى اتىشۋلى جانجال «جاس پالۋاندى سپورت كوللەدجىنەن شىعارۋعا, ال ونىڭ وتباسى مۇشەلەرىن جۇمىستان شىعارۋعا دەيىن بارعانىن» حابارلاعان ەدى. كەيىنىرەك جاس سپورتشىنىڭ كوللەدجدە وقۋدان شىعارىلعانى تۋرالى اقپارات جوققا شىعارىلدى.
«مەن بۇل تۋرالى ءبىرىنشى رەت ەستىپ تۇرمىن. ونىڭ وتباسىنا قاتىستى اقپاراتتى دا راستاي المايمىن. مەن كەز كەلگەن قۋدالاۋعا قارسىمىن. حالقىمىزدان بۇل جاعدايدى ۇمىتۋىن سۇرايمىن. سپورتتا ءتۇرلى ەموتسيا بولادى, بۇل كەز كەلگەن باسەكەنىڭ قالىپتى بولىگى. مەن ول جاستارعا تەك ساتتىلىك تىلەيمىن», دەدى سەرىك ساپيەۆ.
ەسكە سالا كەتەيىك, بوكستان وليمپيادا چەمپيونى سەرىك ساپيەۆ الماتىدا وتكەن Naiza 49 تۋرنيرىندە جەكپە-جەكتەن كەيىن بالۋانمەن جانجالداسىپ قالعان ەدى.