ادىلدىك جولىنداعى ارەكەت

«داۋىس» قوعامدىق بايقاۋشىلار كواليتسيا­سى» رەسپۋبليكالىق قوعامدىق بىرلەستىگىنىڭ توراعا­سى تولەگەن كۇنادىلوۆ جۇيەلى تۇردە جۇمىس ىستەۋ­گە بەل بۋعاندارىن اتاپ ءوتتى. «زاڭ شەڭبەرىندە كوميسسيا قۇرىلدى. بۇگىندە 10 مىڭداي بايقاۋشى بار, الداعى ۋاقىتتا ولاردىڭ سانىن ەكى ەسەلەۋدى جوس­پارلاپ وتىرمىز. ادامدار قانشالىقتى بەلسەن­دى بولسا, سوعۇرلىم سايلاۋدى ءادىل, بۇرمالاۋ­سىز وتكىزۋگە بولادى», دەدى قوعامدىق بىرلەستىك توراعاسى.

جاسىلدار پارتياسىنىڭ جەتەكشىسى ءوز كەزە­گىندە ۇيىم ينفراقۇرىلىمدارى ارقىلى 9 600 باي­قاۋشى قويۋدى جوسپارلاپ وتىرعانىن, سونداي-اق كۇنى كەشە ەقىۇ-دان بايقاۋشىلار كەلىپ جۇمىس بارىسىن تەكسەرىپ, ەشقانداي كەدەر­گىلەر جوق ەكەنىن مالىمدەگەنىن ايتتى. ايتا كەتسەك, الداعى ساي­لاۋعا پارتيا اتىنان 187 ۇمىتكەر قاتىسادى. ولار­دىڭ 20-ى (18-ءى پارتيالىق ءتىزىم بويىنشا, ەكەۋى ماجوريتارلىق جۇيەگە سايكەس) ءماجىلىس دەپۋ­تاتتىعىنا, 167-ءسى (91-ءى پارتيالىق ءتىزىم بويىن­شا,76-سى ماجوريتارلىق جۇيەگە سايكەس) قالالىق ءماسليحات دەپۋتاتتىعىنا ۇمىتكەر.

«بۇل جولعى سايلاۋ ەرەكشە بولادى. حالىقتىڭ بەلسەندىلىگى ارتتى, سەبەبى جاڭا تۇلعالاردىڭ پايدا بولعانىن كوردى. ءبىز كانديداتتارىمىزعا سەنىمدىمىز. ولاردىڭ نيەتى تازا, جالپى ءبىز قاي جاقتان الساق تا, تازا يدەولوگيانى ۇستانامىز. پرەزيدەنتىمىز «جاڭا قازاقستان – ادىلەتتى قازاقستان» دەپ ايتقان بولاتىن, سوندىقتان سايلاۋ ادىلەتتى بولاتىنىنا سەنەمىز», دەدى «بايتاق» جاسىلدار پارتياسىنىڭ توراعاسى ازاماتحان ءامىرتاي.

جالپى, پارتيا اتىنان ءماجىلىس دەپۋتاتتىعىنا ءتىزىم بويىنشا 18 كانديدات ۇسىنىلعان. ولاردىڭ قاتارىندا ايەلدەر كۆوتاسى بويىنشا – 4, جاس­تار كۆوتاسىمەن – 1 جانە مۇگەدەكتىگى بويىنشا 1 ۇمىتكەر بار. تاعى ءتورت ۇمىتكەر ماجوريتارلىق جۇيە بويىنشا سايلاۋعا قاتىسادى. ال جەرگىلىكتى ماسليحاتتارعا 160 كانديدات تىركەلگەن. ەستەرىڭىزگە سالساق, «بايتاق» جاسىلدار پارتياسى 2022 جىلدىڭ سوڭىندا ەكولوگيالىق تۇراقتى قوعام قۇرۋ, حالىقتىق دەموكراتيا جانە ەكولوگياعا ۇقىپتى قاراۋ قاعيداتتارىن قولداۋ ماقساتىندا قۇرىلعان بولاتىن.