باسىم باعىتتار باياندالدى

ءىس-شارا بارىسىندا كانديداتتار ەلوردالىق سايلاۋشىلارعا پارتيانىڭ سايلاۋالدى باعدارلاماسىنىڭ باسىم باعىتتارىن باياندادى. ال پارلامەنت ءماجىلىسىنىڭ دەپۋتاتتىعىنا پارتيا ءتىزىمى بويىنشا كانديداتتار نۇرلان اۋەسباەۆ, اجار ساعاندىقوۆا جانە بىرمانداتتىق ايماقتىق وكرۋگ بويىنشا كانديدات ازامات حايسين «ەكىباستۇز 1-ماەس» جشس جۇمىسكەرلەرىمەن كەزدەستى. «جىلىتۋ ماۋسىمىنىڭ ەڭ قىزعان شاعىندا ەكىباستۇزداعى جەو-دا ورىن العان قايعىلى اپات – ەلىمىزدىڭ ەنەرگەتيكالىق جۇيەسىنىڭ بۇگىنگى جاي-كۇيى», دەپ اتاپ ءوتتى ءوز سوزىندە نۇرلان اۋەسباەۆ.

كانديداتتار جەو-داعى كەزەك كۇتتىرمەيتىن ماسەلەلەردى, سونداي-اق بيلىكتىڭ اپاتتان كەيىنگى ءىس-قيمىلدارىن تالقىلادى. سونىمەن قاتار كەزدەسۋ بارىسىندا پارتيانىڭ سايلاۋالدى باعدارلاماسىنىڭ باسىم باعىتتارى باياندالدى. پارلامەنت ءماجىلىسىنىڭ دەپۋتاتتىعىنا بىرمانداتتىق اۋماقتىق سايلاۋ وكرۋگى بويىنشا كانديدات ۆالەري سموكۆين «كوكشەتاۋ مينەرالدى سۋلارى» اق ەڭبەك ۇجىمىمەن كەزدەستى.

«سوتسيال-دەموكراتيالىق يدەولوگيا – ادامزاتتىڭ باستى ساياسي جەتىستىكتەرىنىڭ ءبىرى. ول – وزبىرلىق ارەكەتتەر ارقىلى ەمەس, كەلىسىم مەن الەۋمەتتىك ارىپتەستىك نەگىزىنە سۇيەنگەن جوسپارلى وزگەرىستەر ارقىلى جۇزەگە اسىرىلاتىن ادىلەتتى قوعام تۋرالى بۇكىلالەمدىك يدەيالاردىڭ دامۋ ناتيجەسى. بۇل – پارلامەنتتىك دەموكراتيا مەن قۇقىقتىق مەملەكەت نەگىزىندە جاسالعان ءار قادامىن كەمشىلىكتەر مەن تاپتىق ءبولىنۋدى جويۋعا باعىتتايتىن, مەملەكەتتە, ەكونوميكادا جانە قوعامدا دەموكراتيانى جۇزەگە اسىرىپ, سونىمەن قاتار جەكە جانە رۋحاني بوستاندىقپەن قامتاماسىز ەتىپ, سول ارقىلى ءوز قۇندىلىقتارى – ەركىندىك, ادىلەتتىلىك پەن ىنتىماقتاستىققا قول جەتكىزىپ, قورعايتىن قوعامدىق ۇلگى. بۇگىندە باسىمدىق تانىتىپ وتىرعان الەۋمەتتىك-ەكونوميكالىق جانە ساياسي جاعىنان ارتتا قالعان ەلدەر ەسەبىنەن ءومىر ءسۇرىپ وتىرعان تاريحي بولاشاعى جوق كاپيتاليزمدى بىرتىندەپ وزگەرتىپ, ونىڭ ورنىنا حالىقارالىق قارىم-قاتىناستا ادىلەتتىك ورناتىپ, بارلىق ادامزاتتىڭ جاپپاي, جان-جاقتى جانە تۇراقتى دامۋىن قامتاماسىز ەتىپ, ماتەريالدىق يگىلىكتى ولاردىڭ ءال-اۋقاتىنىڭ ۇدايى ءوسۋى ءۇشىن ادىلەتتى تۇردە ءبولۋدى جۇزەگە اسىرۋدى ماقسات ەتەدى», دەدى كانديدات.