جاس ادامنىڭ ەرتە قارتايعانىنان, قارت ادامنىڭ جاسپىن دەگەنى قاۋىپتىرەك سەكىلدى. ال ونى دوريان گرەي سيندرومى دەپ اتايدى. ياعني فيزيكالىق جانە پسيحولوگيالىق تۇرعىدان قارتايعىسى كەلمەۋ, ماڭگى جاستىقتى قالاۋ وسىنىڭ بەلگىلەرى.
بۇل, اسىرەسە, شوۋ-بيزنەس وكىلدەرى اراسىندا ءجيى كەزدەسەدى. بىراق كوپشىلىك الدىندا جۇرمەسە دە, قارتتىعىن قابىلداعىسى كەلمەيتىن ادامدار بار. جاس كورىنۋ ءۇشىن ءبارىن ىستەيدى. قازىرگى كەزدە كەڭ تاراعان بەت-الپەتىنە پلاستيكالىق وتا جاساتۋ دا وسى سيندرومنىڭ بەلگىسى دەيدى.
بۇل پسيحولوگيالىق كۇي وسكار ۋايلدتىڭ اتاقتى شىعارماسىنداعى باستى كەيىپكەر دوريان گرەيدىڭ اتىمەن اتالعان. دوريان ءوزىنىڭ جاستىعىن ساقتاعىسى كەلەدى. دورياننىڭ سىمباتىنا قايران قالعان سۋرەتشى وعان پورترەتىن سالىپ بەرەدى. سودان كەيىن دوريان ەمەس, سول سۋرەت قارتايا باستايدى. ونىڭ بويىنداعى بارلىق وزگەرىس پورترەتكە اسەر ەتەدى. دوريان العاشقىدا ءوزىنىڭ ءتانى مەن جانى قارتامايتىنىنا قۋانعانىمەن, كوز الدىنداعى سۋرەت وعان ءبارىن انىق كورسەتىپ تۇرادى. الايدا دوريان ونى جان بالاسىنان جاسىرىپ ۇستايدى, ءتىپتى, پورترەتتى باسقا بولمەگە اپارىپ, بەتىن جاۋىپ, بولمەنىڭ ەسىگىن ق ۇلىپتاپ, تىعىپ تاستايدى.
وسى سيندرومعا ۇشىراعان ادامدار جاس بولۋ ءۇشىن, جىلتىراپ كوزگە تۇسەتىن, ءوز جاسىنا ساي كەلمەيتىن كيىمدەر كيىپ, بەت الپەتىندەگى اجىمدەردى تۇزەپ الەك بولادى ەكەن.
ادەمى قارتايۋ دا ونەر شىعار...