قازاقستان بوكسشىسى شاۆكات راحمونوۆ UFC 285 تۋرنيرىندە امەريكالىق دجەفف ءنيلدى جەڭگەننەن كەيىن UFC تۋرنيرىندە رەكوردتىق جەتىستىككە جەتتى. ونىڭ ەنشىسىندە 17 جەڭىس بار, ونىڭ بەسەۋى UFC-دە بولدى, دەپ حابارلايدى Egemen.kz.
شاۆكات راحمونوۆ «نوماد» دجەفف نيلمەن كەزدەسۋدىڭ ءۇشىنشى راۋندىندا جەڭىسكە جەتىپ, جەڭىس مارشىن 17-0-گە جەتكىزدى.
بۇل قازىرگى ۋاقىتتا الەمنىڭ ەڭ ۇزدىك پروموۋشەنى – UFC-ءدىڭ جەڭىلمەگەن بوكسشىلارى اراسىنداعى رەكوردتىق كورسەتكىش. شاۆكات راحمونوۆ وسى كورسەتكىشتەردىڭ ارقاسىندا رەسەي سپورتشىلارى - موۆسار ەۆلوەۆ (16-0) پەن ۋمار نۋرماگومەدوۆتان (16-0) باسىم ءتۇستى.
ايتا كەتەيىك, شاۆكات بارلىق جەكپە-جەكتى مەرزىمىنەن بۇرىن اياقتاپ, جەڭىسكە جەتكەن.
راحمونوۆتىڭ نيلمەن وتكىزگەن جەكپە-جەگى ءۇشىن گونورار 161 500 دوللاردى قۇرادى. ونىڭ 30 000 دوللارى كەپىلدىك جارنا, 6 000 دوللارى دەمەۋشىلىك بونۋس, 25 500 دوللارى - ءنيلدىڭ ارتىق سالماعىنىڭ 30%, «كەشتىڭ ۇزدىك جەكپە-جەگى» ءۇشىن 100 000 دوللار قوس بونۋس.