دۇنيەجۇزىلىك «سەمىزدىككە قارسى فەدەراتسيا» ءتيىستى شارالار قابىلدانباسا, 2035 جىلعا قاراي الەم حالقىنىڭ جارتىسىنان استامى ارتىق سالماقتان زارداپ شەگەتىنىن ەسكەرتتى, دەپ حابارلايدى Egemen.kz.
«2035 جىلعا قاراي ارتىق سالماعى بار ادامداردىڭ سانى 4 ميللياردتان اسىپ كەتۋى مۇمكىن. قازىرگى كەزدە, اسىرەسە, بالالار اراسىنداعى كورسەتكىشتەر تەز ءوسىپ جاتىر», دەيدى فەدەراتسيا.
ەڭ ۇلكەن ءوسىم افريكا مەن ازيا ەلدەرىندە بايقالادى.
فەدەراتسيا پرەزيدەنتى, پروفەسسور لۋيزا باۋر بايانداماسىندا بالالار مەن جاسوسپىرىمدەر اراسىنداعى سەمىزدىك كورسەتكىشىنىڭ جىلدام ءوسىپ جاتقانىن ايتتى. ماسەلەن بىلتىرعى كورسەتكىش 2020 جىلعى كورسەتكىشتەن ەكى ەسە ارتقان.
«بۇل الاڭداتارلىق جاعداي. ونىڭ الدىن الۋ ءۇشىن بارلىعىن ىستەۋ كەرەك», دەدى پروفەسسور ل. باۋر.
فەدەراتسيا مالىمەتىنشە, ارتىق سالماقتى ادامدار تابىسى تومەن ەلدەردە كوپ.