اقش-تىڭ ەكى ازاماتى رەسەيگە قارسى سانكتسيالاردى بۇزدى دەگەن كۇدىكپەن كانزاستا قاماۋعا الىندى. بۇل تۋرالى اقش ساۋدا دەپارتامەنتىنىڭ وكىلى مەتتيۋ اكسەلرود مالىمدەدى, دەپ حابارلايدى Egemen.kz.
59 جاستاعى كيريلل گريگوري بۋيانوۆسكي مەن 55 جاستاعى دۋگلاس روبەرتسون KanRus ساۋدا كومپانياسىن باسقارعان.
اقش ادىلەت مينيسترلىگىنىڭ مالىمەتى بويىنشا, ەكەۋى اقش-تىڭ ەكسپورت زاڭىن بۇزىپ, رەسەيگە كۇردەلى اۆياتسيالىق جابدىقتى ساتۋ تۋرالى كەلىسىمگە وتىرعان.
ەگەر ولار كىنالى دەپ تانىلسا, تاۋارلاردى ليتسەنزياسىز ەكسپورتتاعانى ءۇشىن 20 جىلعا باس بوستاندىعىنان ايىرىلۋى مۇمكىن.
پروكۋرورلار ەكى ازاماتتىڭ 2020 جىلدان باستاپ زاڭسىز ساۋدا جۇرگىزىپ كەلگەنىن ايتتى.
ادىلەت دەپارتامەنتىنىڭ مالىمەتى بويىنشا, 2020 جىلدىڭ قاراشاسى مەن 2021 جىلدىڭ اقپانى ارالىعىندا ولار جوندەۋ جابدىقتارىن رەسەيگە جىبەرىپ وتىرعان.