توتەنشە جاعدايعا بايلانىستى قالا تۇرعىندارى تۇتقىنداردىڭ جاپپاي قاشۋىنان قورىققان, دەپ حابارلايدى Egemen.kz «كتك» تەلەارناسىنا سىلتەمە جاساپ.
ءورت وندىرىستىك تسەحتاردىڭ بىرىندە بولعان. وندا 14 شارشى مەتر جەردە اعاش وڭدەۋ جۇمىستارى جۇرگىزىلىپ, دايىن ءونىم ساقتالاتىن ورىن بولعان. ءورت تەز ارادا شاتىرعا تاراعان, بىراق قىزمەتكەرلەر, كەيىن ورتسوندىرۋشىلەر جالىندى دەر كەزىندە سوندىرگەن.
كولونيا وكىلدەرى ءورت كەزىندە تسەحتا ەشكىم بولمادى دەپ سەندىردى. ءبارى باسقا عيماراتتا ورنالاسقان كامەرالارىندا بولعان.
ء«ورت كەزىندە سوتتالعانداردىڭ قاشىپ قۇتىلۋ ارەكەتى بولعان جوق, ءورتتى سوندىرۋگە قاتىسقان قىزمەتكەرلەردىڭ ءبارى امان-ساۋ, قىزمەتكەرلەر مەن ارنايى كونتينگەنت اراسىندا زارداپ شەككەندەر جوق. ءورت سىمداردىڭ قىسقا تۇيىقتالۋىنان تۇتانعان», دەيدى تاراز قالاسىنىڭ №59 توتەنشە قاۋىپسىزدىك مەكەمەسى باستىعىنىڭ تاربيە جۇمىسى جونىندەگى ورىنباسارى ەربول نۇرجانوۆ.