قاجەتتى قىزمەتتەردى ونلاين الۋ ىڭعايلى ءارى جىلدام, ەڭ باستىسى قاۋىپسىز. سول سەبەپتى دە سوڭعى جىلدارى تسيفرلاندىرۋ ماسەلەلەرىنە كوپ كوڭىل ءبولىنىپ جاتىر, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
قازىرگى ۋاقىتتا ۇكىمەت ءاربىر قازاقستاندىقتىڭ ءومىرىن تۋعاننان باستاپ جاقسارتۋعا جانە جەڭىلدەتۋگە ارنالعان 62 جاڭا «تسيفرلىق» باستامانى ىسكە اسىرىپ كەلەدى.
ماسلەن, ادىلەت مينيسترلىگى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسە وتىرىپ, Digital Justice جوبالار پورتفەلى اياسىندا بىرنەشە ىڭعايلى قىزمەتتەردى ىسكە قوستى.
وسىنداي قىزمەتتەردىڭ تاعى ءبىرى – ءموبيلدى قوسىمشا ارقىلى نەكەگە تۇرۋعا ءوتىنىش بەرۋ. ەگەر ءسىز وتباسىن قۇرۋدى جوسپارلاساڭىز, ەندى احاج بولىمىنە بارۋدىڭ, قۇجاتتاردى جيناۋدىڭ, ۇزىن-سونار كەزەكتە تۇرۋدىڭ قاجەتى جوق. ول ءۇشىن بانكتىك قوسىمشاعا كىرىپ, مەملەكەتتىك قىزمەتتەر بولىمىنە ءوتىپ, ءتيىستى ءوتىنىمدى جىبەرۋ جەتكىلىكتى. ازىرگە مۇنى قارجى ينستيتۋتى جاساپ وتىر, بولاشاقتا مۇنداي مۇمكىندىكتەر بانكتىك باسقا قوسىمشالاردا قاراستىرىلادى.
قازاقستان ازاماتتارىنا وسى تسيفرلىق قىزمەت ۇناپ وتىر. بيىلعى اقپان ايىنىڭ العاشقى كۇندەرىنەن باستاپ 600-دەن استام جۇپ جاڭا سەرۆيستىڭ كومەگىمەن نەكەنى تىركەۋگە ءوتىنىش راسىمدەدى. ولاردىڭ ۇشتەن بىرىنەن استامى احاج ورگاندارىمەن راستالعان. بۇرىن مۇنداي قىزمەت «ەلەكتروندىق ۇكىمەتتىڭ» سايتىندا عانا قولجەتىمدى بولاتىن.
سونداي-اق جىل باسىنان بەرى egov.kz مىندەتتى مەملەكەتتىك تىركەۋگە جاتپايتىن جىلجىمالى م ۇلىك كەپىلىن تىركەۋگە قولجەتىمدى بولدى. راسىمدەۋ ءۇشىن پورتالعا كىرىپ, ءتيىستى ءوتىنىمدى تولتىرۋ جەتكىلىكتى.
جاڭا جىلدان باستاپ قازاقستاندىقتارعا قولجەتىمدى تاعى ءبىر تسيفرلىق قىزمەت ىسكە قوسىلدى. ول جشس-نى تەز ءارى قيىندىقسىز تىركەۋگە مۇمكىندىك بەرەدى.
بۇل ءۇشىن سىزگە تەك سمارتفون جانە از عانا ۋاقىت قاجەت. ناقتىلاي ايتقاندا, ءبىز بانكتىك ءموبيلدى قوسىمشامەن بيومەتريكانى قولدانۋ ارقىلى كىرىپ, «جشس تىركەۋ» قىزمەتىن تاڭدايمىز. بارلىق قاجەتتى جولداردى تولتىرعاننان كەيىن وتىنىمگە قول قويامىز جانە كاسىپكەرلىك قىزمەتتىڭ باستالعانى تۋرالى حابارلامانى دەرەۋ الامىز. قالعانىن جۇيە ءوز بەتىنشە اتقارادى, ياعني حابارلاما اۆتوماتتى تۇردە مەملەكەتتىك كىرىستەر مەن ستاتيستيكا ورگاندارىنا جىبەرىلەدى جانە پاراللەلدى تۇردە جاڭا جشس ءۇشىن بانكتە ەسەپشوت اشىلادى.
1 ناۋرىزدان باستاپ ازاماتتار وزدەرىنىڭ اقپاراتتىق جۇيەلەردە بار تسيفرلىق دەرەكتەرى نەگىزىندە اسكەري قىزمەتكە شاقىرۋدى كەيىنگە شەگەرۋگە نەمەسە اسكەري قىزمەتكە شاقىرۋدان بوساتىلۋعا رۇقساتتى ونلاين رەجيمىندە الا الادى. بۇعان «تسيفرلىق» كەيىنگە قالدىرۋ قىزمەتى مۇمكىندىك بەرەدى.
اتالعان قىزمەت ازاماتتاردى تالاپ ەتىلەتىن قۇجاتتاردى جيناۋدان جانە اسكەري كوميسسارياتقا بارۋ قاجەتتىلىگىنەن بوساتادى.
سونىمەن قاتار جاقىن ارادا اسكەري ەسەپكە مىندەتتى تىركەۋدى جانە شىعارۋدى توقتاتۋ تۋرالى شەشىم قابىلدانادى.
ەندى تۇرعىلىقتى جەرىن اۋىستىرعان كەزدە اسكەري مىندەتتى نەمەسە مەرزىمدى اسكەري قىزمەتشىنى تىركەۋ جانە ەسەپتەن شىعارۋ جەرگىلىكتى اسكەري باسقارۋ ورگاندارىنا بارماي-اق اۆتوماتتى تۇردە جۇزەگە اسىرىلادى.
سونداي-اق قازاقستاندا تىركەلمەگەن نەمەسە اۋىستىرىلعان ابونەنتتىك نومىرلەردەن كەلەتىن قوڭىراۋلاردى بۇعاتتايتىن انتيفرود-جۇيە قازىردىڭ وزىندە قولدانىلا باستادى. بۇل ىشكى ىستەر جانە تسيفرلىق دامۋ مينيسترلىكتەرىنىڭ بىرلەسكەن جۇمىسىنىڭ ارقاسىندا مۇمكىن بولدى.
«انتيفرود» ابونەنتتىك قوڭىراۋلار تۋرالى اقپاراتتى وڭدەۋ ارقىلى الاياقتاردىڭ قوڭىراۋلارىن بۇعاتتايدى. ارنايى بىرىڭعاي جۇيەنىڭ كومەگىمەن بايلانىس وپەراتورى ءنومىردىڭ بەلسەندىلىگى تۋرالى دەرەكتەردى سۇرايدى جانە ولاردى اۆتوماتتى رەجيمدە تالدايدى. ەگەر جۇيە قوڭىراۋدىڭ شىنايى ەكەنىن جانە ءنومىردىڭ جالعان ەمەس ەكەنىن راستاسا, قاۋىپسىز بايلانىس ورناتىلادى.
بايلانىس وپەراتورلارىنىڭ مالىمەتىنشە, 2022 جىلى جۇيەنى بىرىكتىرگەننەن كەيىن 19 ملن-نان استام الاياقتىق قوڭىراۋلار بۇعاتتالدى, ال بيىلعى ەكى ايدا وسىنداي 8 ميلليون قوڭىراۋعا توسقاۋىل قويىلدى. بۇگىندە ۇيالى بايلانىس وپەراتورلارى مۇنداي جاعدايلاردى تولىعىمەن جويۋ ءۇشىن الگوريتمدەردى جەتىلدىرۋدە.