پاترۋلدىك پوليتسەيلەر كوپىردەن سەكىرمەكشى بولعان ازاماتتى قۇتقارىپ قالدى, دەپ حابارلايدى Egemen.kz.
تۇنگى ساعات 23:30 شاماسىندا الماتى – تەرمەز تاسجولىندا جۇرگەن پوليتسەيلەر كوپىردەن سەكىرگەلى تۇرعان ەر ادامدى بايقاپ قالعان. ءوز-وزىنە قول جۇمساماق بولعان بەلگىسىز ادامدى كورگەن تۇركىستان وبلىسى پاترۋلدىك پوليتسيا باتالونىنىڭ قىزمەت ينسپەكتورلارى باعلان جورا ۇلى مەن وتكىر مەلس ۇلى وقيعا ورنىنا جەدەل جەتكەن.
«قوس پوليتسەي تەزدەتىپ, جوعارى كوتەرىلىپ, بيىكتەن سەكىرمەك بولعان ورتا جاس شاماسىنداعى ەر ادامنىڭ جانىنا جاقىنداعان. وسى ساتتە سول جەردەگى تۇرعىننىڭ ءبىرى كومەككە كەلىپ, ەر ادامدى سوزگە اينالدىرىپ تۇردى. ال قوس پوليتسەي كوپىرگە ءىلىنىپ تۇرعان تۇرعىننىڭ ەكى قولىنان تارتا وتىرىپ, قاۋىپسىز جەرگە شىعارىپ الدى. تەكسەرۋ بارىسىندا تۇرعىننىڭ سۋيتسيد جاساۋىنا, ماساڭ كۇيدە بولۋى مەن وتباسىلىق كيكىلجىڭنىڭ اسەر ەتكەنى بەلگىلى بولدى. سونداي-اق كوپبالالى اكە تەرىس ارەكەتى ءۇشىن وكىنىپ, الداعى ۋاقىتتا مۇنداي جاعدايعا جەتكىزبەيتىنىن ايتتى», دەپ جازىلعان Polisia.kz تاراتقان اقپاراتتا.