ميكرو جانە شاعىن كاسىپكەرلىك سۋبەكتىلەرىنە جاتاتىن سالىق تولەۋشىلەر جالاقىدان ستاندارتتى سالىق سالۋدىڭ ورنىنا بىرىڭعاي تولەم تولەي الادى, دەپ حابارلايدى Egemen.kz.
«2023 جىلعى 1 قاڭتاردان باستاپ اۋىل شارۋاشىلىعى ونىمدەرىن وندىرۋشىلەر ءۇشىن وڭايلاتىلعان دەكلاراتسيا نەگىزىندە ارناۋلى سالىق رەجيمدەرىن قولداناتىن ميكرو جانە شاعىن كاسىپكەرلىك سۋبەكتىلەرى بولىپ تابىلاتىن سالىق تولەۋشىلەر جالاقىدان ستاندارتتى سالىق سالۋدىڭ ورنىنا بىرىڭعاي تولەم تولەي الادى», دەلىنگەن مەملەكەتتىك كىرىستەر كوميتەتى ءباسپاسوز قىزمەتىنىڭ حابارلاماسىندا.
بىرىڭعاي تولەمگە: قىزمەتكەرلەردىڭ تابىسىنان جەكە تابىس سالىعى, مىندەتتى زەينەتاقى جارنالارى, جۇمىس بەرۋشىلەردىڭ مىندەتتى زەينەتاقى جارنالارى, الەۋمەتتىك اۋدارىمدار, مىندەتتى الەۋمەتتىك مەديتسينالىق ساقتاندىرۋعا جارنالار مەن اۋدارىمدار ەنگىزىلەدى.
2023 جىلى بىرىڭعاي تولەم مولشەرلەمەسى ەڭبەكاقى تولەۋ قورىنىڭ 20% قۇرايدى. بىرىڭعاي تولەمدى ەسەپتەۋ كەزىندە الەۋمەتتىك تولەمدەر بويىنشا بەلگىلەنگەن جەڭىلدىكتەر ەسكەرىلەدى.
بىرىڭعاي تولەمنىڭ ەسەپتەلگەن سوماسى قولدانىلاتىن سالىق سالۋ رەجيمىنە بايلانىستى 200.00, 910.00 جانە 920.00 نىساندى دەكلاراتسيالاردا كورسەتىلەدى.
بىرىڭعاي تولەمدى تولەۋ اي سايىن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ شوتىنا ەسەپتى ايدان كەيىنگى ايدىڭ 25-كۇنىنەن كەشىكتىرىلمەي جۇرگىزىلەدى. ول كەيىننەن بيۋدجەتكە جانە ءتيىستى قورلارعا تولەمدەردى بولەدى جانە بىرىڭعاي تولەم تولەۋشىلەردىڭ ەسەبىن جۇرگىزەدى.