كەلەڭسىز وقيعا قوستاناي قالاسىنداعى جوعارى وقۋ ورىندارىنىڭ بىرىندە بولدى. ءۇش ستۋدەنت گازدان ۋلانىپ قالعان, دەپ حابارلايدى Egemen.kz.
«تاۋەلسىزدىك كوشەسى, 118 مەكەن-جايىندا قوستاناي مەملەكەتتىك پەداگوگيكالىق ينستيتۋتىنىڭ 8 قاباتتى عيماراتىندا ءورت بولدى. بەلگىلى بولعانداي, 7 قاباتتاعى وقۋ كابينەتىندە كەڭسە تەحنيكاسى جانىپ كەتكەن. ءورت سوندىرۋشىلەر 3 مينۋتتان كەيىن جەتىپ, ءورت وشاعىن سوندىرە باستادى», دەپ حابارلادى وبلىستىق تجد ءباسپاسوز قىزمەتى.
ءورتتى سوندىرۋگە جەكە قۇرامنىڭ 19 ادامى مەن 6 بىرلىك تەحنيكا جۇمىلدىرىلدى.
حابارلانعانداي, وقيعا سالدارىنان زارداپ شەككەن ءۇش ستۋدەنتكە العاشقى مەديتسينالىق كومەك كورسەتىلدى.