28 اقپان تۇنگى ۋاقىتتا اقش-تىڭ مەملەكەتتىك حاتشىسى ەنتوني بلينكەن قازاقستانعا العاش رەت رەسمي ساپارمەن كەلدى, دەپ حابارلايدى Egemen.kz.
بۇگىن مەملەكەتتىك حاتشىنى پرەزيدەنت قاسىم-جومارت توقاەۆ قابىلدايدى. سونداي-اق ەنتوني بلينكەن قازاقستاننىڭ سىرتقى ىستەر ءمينيسترى مۇحتار تىلەۋبەردىمەن كەلىسسوز جۇرگىزەدى.
سونداي-اق استانادا ە.بلينكەننىڭ قاتىسۋىمەن ورتالىق ازيا ەلدەرى مەن اقش سىرتقى ساياسي ۆەدومستۆولارى باسشىلارىنىڭ «س5+1» فورماتىنداعى مينيسترلىك كەزدەسۋى وتەدى.
«س5+1» مينيسترلىك كەزدەسۋىندە ورتالىق ازيا ەلدەرىنىڭ اقش-پەن ەكونوميكا, ەنەرگەتيكا جانە قورشاعان ورتا سالاسىنداعى ىنتىماقتاستىعىن ودان ءارى دامىتۋ, سونداي-اق تەرروريزمگە قارسى كۇرەس ماسەلەلەرىن تالقىلاۋ جوسپارلانىپ وتىر.