الەۋمەتتىك جەلىدە اتىراۋداعى №8 قالالىق مەكتەپتىڭ وقۋشىلارى مەن مۇعالىمدەرى «ماسلەنيتسا» مەرەكەسىن اتاپ ءوتۋ ءۇشىن مەكتەپ اۋلاسىندا وت جاققان ۆيدەو تارادى, دەپ حابارلايدى Egemen.kz.
اتالعان وقيعاعا قاتىستى اتىراۋ وبلىسى اكىمىنىڭ ورىنباسارى جاسۇلان بيسەمبيەۆ Instagram-دا تىكەلەي ەفيردە تۇسىنىكتەمە بەردى. ونىڭ ايتۋىنشا, مۇنداي ءىس-شارانى مەكتەپتە وتكىزۋگە بولمايدى.
ء«دىني سيپاتى بار ءىس-شارا مەكتەپتىڭ بازاسىندا وتكەن. بىراق قاۋىپسىزدىكتى ساقتاۋ ءۇشىن توتەنشە جاعدايلار ورگاندارىنان ەشقانداي كەلىسىم الماعان. اتىراۋ قالالىق ءبىلىم بولىمىنە دە حابارلانباعان. مەكتەپتىڭ ديرەكتورى اتا-انالار ۇسىنىسىن قولداپ, ءبىلىم ورداسىنىڭ اۋلاسىندا الاۋ جاعۋعا رۇقسات بەرگەن. وسىعان بايلانىستى مەكتەپ ديرەكتورىنا قاتاڭ سوگىس بەرىلدى», دەدى جاسۇلان بيسەمبيەۆ.