جۇك جانە جولاۋشىلار كولىگى ءۇشىن جول قوزعالىسىنىڭ شەكتەلۋىنە بايلانىستى اقتوبە وبلىسى تجد قۇتقارۋشىلارى 93 ادامدى ەۆاكۋاتسيالادى, دەپ حابارلايدى Egemen.kz.
24 اقپاندا ساعات 22.50-دە ايتەكە بي اۋدانىنىڭ «سامارا-شىمكەنت» اۆتوجولىنىڭ 964 كم-دە تجد كۇشتەرى «Yutong» ماركالى جولاۋشىلار اۆتوبۋسىنا جول كورسەتىپ قارابۇتاق كەنتىنە بىرگە باردى. جىلىتۋ پۋنكتىنە وزبەكستان مەن تاجىكستان رەسپۋبليكاسىنىڭ 41 ازاماتى ەۆاكۋاتسيالاندى.
25 اقپاندا ساعات 04:05-تە اقتوبە قالاسىنىڭ ەدىگە باتىر داڭعىلىندا تجد كۇشتەرى تەحنيكالىق اقاۋى بار «Setra» ماركالى جولاۋشىلار اۆتوبۋسىنان جاڭاقونىس كەنتىنىڭ جىلىتۋ پۋنكتىنە 54 ادامدى ەۆاكۋاتسيالادى. ونىڭ 52-ءسى وزبەكستان رەسپۋبليكاسىنىڭ ازاماتى.
اۆاريالىق-قۇتقارۋ جۇمىستارىنا 52 قۇتقارۋشى مەن 14 بىرلىك تەحنيكا جۇمىلدىرىلدى.
«اقتوبە وبلىسىنىڭ تجد ازاماتتاردى الىس جولعا شىققان كەزدە داۋىلدى ەسكەرتۋلەرمەن تانىسۋعا جانە قىسقى كەزەڭدەگى قاۋىپسىزدىك ەرەجەلەرىن قاتاڭ ساقتاۋعا كەڭەس بەرەدى», دەلىنگەن حابارلامادا.