23-ءشى حالىقارالىق ۆيلنيۋس كىتاپ كورمەسىندە مۇحتار اۋەزوۆتىڭ «اباي جولى» رومان-ەپوپەياسى, ءانۋار ءالىمجانوۆتىڭ «ۇستازدىڭ ورالۋى» رومانى, سونداي-اق ليتۆا تىلىنە اۋدارىلعان جانە قازاقستاننىڭ ليتۆاداعى ەلشىلىگى مەن «جارا» باسپاسىمەن شىعارىلعان قازاق حالىق ەرتەگىلەرىنىڭ جيناعى ۇسىنىلدى, دەپ حابارلايدى Egemen.kz.
«كورمەگە كەلۋشىلەر قازاقستان ادەبيەتى كلاسسيكتەرىنىڭ شىعارمالارىن اۋدارۋ جانە قايتا باسىپ شىعارۋداعى وراسان زور جۇمىستى اتاپ ءوتىپ, ۇسىنىلعان كىتاپتارعا قىزىعۋشىلىق تانىتتى. ەلشىلىك پەن «جارا» باسپاسى بىرلەسىپ جۇرگىزىپ جاتقان جۇمىستار ليتۆالىق وقىرمانداردىڭ قازاق حالقىنىڭ مادەنيەتى مەن تاريحى, ونىڭ جانى مەن تاعدىرى تۋرالى بىلىمدەرىن كەڭەيتۋگە باعىتتالعان», دەلىنگەن ءسىم ءباسپاسوز قىزمەتىنىڭ حابارلاماسىندا.
ليتۆالىق باسپاگەر ايداس جانداريس «اباي جولى» رومانىنىڭ قايتا باسىلۋ تاريحى تۋرالى ايتىپ بەرگەن.