وتاندىق سەريالداردىڭ كونتەنتىن كاسىبي تۇرعىدان باعالايتىن «Nauryz» ۇلتتىق بايگەسى 2023 جىلى اقپارات جانە قوعامدىق دامۋ مينيسترلىگىنىڭ قولداۋىمەن العاش رەت وتكىزىلەدى, دەپ حابارلايدى Egemen.kz.
Nauryz-awards.kz سايتىندا «Nauryz» ۇلتتىق تەلەحيكايالار بايگەسىنە قاتىسۋعا ءوتىنىم قابىلداۋ باستالدى.
ءوتىنىم بەرۋ 2023 جىلدىڭ 15 ناۋرىزىنا دەيىن جالعاسادى.
بايگەگە 2021 جىلعى 1 قاڭتار – 2022 جىلعى 31 جەلتوقسان ارالىعىندا قازاقستاندىق تەلەارنالاردىڭ ەفيرىندە, YouTube جانە باسقا دا پلاتفورمالاردا كورسەتىلگەن سەريالدار قاتىسا الادى.
كونكۋرستىق وتىنىمدەردى رەسپۋبليكالىق جانە ايماقتىق تەلەۆيزيالىق حابار تاراتۋ كومپانيالارى, ستۋديالار, پروديۋسەرلىك ورتالىقتار جانە سەريالداردى وندىرەتىن مەديا يندۋستريانىڭ باسقا دا ۇيىمدارى بەرە الادى.
كونكۋرس 13 نوميناتسيا بويىنشا وتەدى:
1. ۇزدىك تاريحي سەريال2. ۇزدىك درامالىق سەريال3. ۇزدىك كومەديالىق سەريال4. ۇزدىك ۆەب-سەريال5. ۇزدىك اكتەر6. ۇزدىك اكتريسا7. ەكىنشى پلانداعى ۇزدىك اكتەر8. ەكىنشى پلانداعى ۇزدىك اكتريسا9. ۇزدىك رەجيسسەر10. ۇزدىك ستسەناريست11. ۇزدىك قويۋشى-وپەراتور12. ۇزدىك مونتاج13. ۇزدىك ساۋندترەك
بايگەنىڭ نەگىزگى ماقساتى – سەريالدىق كونتەنتتى دامىتۋدى قولداۋ, وتاندىق جانە حالىقارالىق ونلاين پلاتفورمالاردا قازاقستاندىق تەلەحيكايالاردى كورەرمەن اراسىندا تانىمال ەتۋ.
جەڭىمپازدار ناۋرىز ايىندا بەلگىلى بولىپ, ولارعا NAURYZ ارنايى مۇسىنشەسى جانە 1 ميلليون تەڭگە كولەمىندەگى سىياقى تابىستالادى.