ەلوردادا ساتىپ الۋ قۇقىعىمەن جالعا بەرىلەتىن پاتەرگە قۇجات قابىلداۋ باستالادى

بۇل باعدارلاماعا تومەندە كورسەتىلگەن ەڭبەك سالالارىنداعى قىزمەتكەرلەر قاتىسا الادى:

1) ءبىلىم بەرۋ;

2) دەنساۋلىق ساقتاۋ;

3) مادەنيەت;

4) سپورت;

5) الەۋمەتتىك قورعاۋ;

استانا قالاسى اكىمدىگىنە باعىنىستى مەكەمەلەر;

6) استانا قالاسىنىڭ پوليتسيا دەپارتامەنتى جانە ونىڭ باعىنىستى مەكەمەلەرى;

7) استانا قالاسىنىڭ توتەنشە جاعدايلار دەپارتامەنتى جانە ونىڭ باعىنىستى مەكەمەلەرى.

پاتەر سانى: 50. تۇرعىن ءۇي ءتۇرى: ساتىپ الۋ قۇقىعىمەن جالعا بەرىلەتىن تۇرعىن ءۇي; 1 شارشى مەترگە جالعا الۋ قۇنى – 1455 تەڭگە; جالعا الۋدىڭ ەڭ ۇزاق مەرزىمى – ساتىپ الۋ قۇقىعىمەن 20 جىلعا دەيىن; تۇرعىن ءۇي جالعا الۋ مەرزىمى وتكەننەن كەيىن جالعا الۋشىنىڭ مەنشىگىنە وتەدى; تابىس جەتكىلىكسىز بولعان جاعدايدا كەپىلگەرلەردى تارتۋ مۇمكىندىگى بار. ورنالاسقان جەرى: سارىارقا اۋدانى كوكتال ەلدى مەكەنى, 12-95 كوش, 12/1 ءۇي.

قابىلداۋ كۇنى: 2023 جىلدىڭ 27 اقپانى 10.00-دەن باستاپ 3 ناۋرىز 23.59-عا دەيىن; وتىنىمدەردى قابىلداۋ ەلەكتروندى تۇردە qatysu.zhilfond.kz پورتالىندا جۇرگىزىلەدى.

قۇجاتتار ءتىزىمى:

1) ەتسق كىلتى;

2) ءوتىنىم بەرگەن ساتتە 10 كۇننەن كەشىكتىرمەي بەرىلگەن مەكەمەنىڭ فيرمالىق بلانكىسىندەگى جۇمىس ورنىنان انىقتامانىڭ سكانەرلەنگەن نۇسقاسى.

ايتا كەتكەن ءجون, ەگەر ءسىز ءوتىنىش بەرگەن كەزدە, مىسالى, ەكى بولمەلى پاتەردى تاڭداساڭىز جانە تاڭداۋ ناتيجەلەرى بويىنشا وعان سايكەس كەلمەسە, ءسىز پاتەردىڭ باسقا ءتۇرىن تاڭداي المايسىز جانە قايتا ءوتىنىش بەرە المايسىز.

باعدارلاما 2 كەزەڭدە جۇزەگە اسىرىلادى:

1) قاتىسۋعا ءوتىنىش بەرۋ جانە كەزەككە قويۋ كۇنىنە سايكەس ىرىكتەۋ;

2) كەزەككە قويۋ كۇنى بويىنشا بايقاۋدان وتكەننەن كەيىن قازاقستان تۇرعىن ءۇي كومپانياسىندا تولەم قابىلەتتىلىگى راسىمدەرىنەن ءوتۋ قاجەت (8 800 080-44-48 قجك جەدەل جەلى تەلەفونى).

وتىنىمدەردى قاراۋ ناتيجەلەرى تۋرالى كەيىنىرەك zhilfond.kz, «استانا قالاسى تۇرعىن ءۇي جانە تۇرعىن ءۇي ينسپەكتسياسى باسقارماسى» مم سايتىندا – gov.kz جانە تۇرعىن ءۇي ورتالىعىنىڭ الەۋمەتتىك جەلىلەرىندە جاريالانادى.