اۋىر اتلەتيكادان توكيو وليمپياداسىنىڭ قولا جۇلدەگەرى يگور سونعا دوپينگ قولداندى دەگەن ايىپ تاعىلىپ, 8 جىلعا سپورتتان شەتتەتىلدى.
قازاقستان اۋىر اتلەتيكا فەدەراتسياسى تاراتقان مالىمەت بويىنشا, 2022 جىلدىڭ 9 اقپانى مەن 2 ناۋرىزى ارالىعىندا قازاقستان ۇلتتىق دوپينگكە قارسى ورتالىعى جارىستان تىس دوپينگ-باقىلاۋ شەڭبەرىندە ۇلتتىق قۇراما سپورتشىلارى اراسىندا تەستىلەۋ وتكىزىپ, ونىڭ قورىتىندىسى بويىنشا يگور سوننان وڭ دوپينگ-سىناما انىقتالعان.
وليمپيادا جۇلدەگەرى وسىمەن ەكىنشى رەت دوپينگ داۋىنا ءىلىنىپ وتىر. بۇعان دەيىن ول 2015 جىلى تىيىم سالىنعان پرەپاراتتى پايدالانعانى ءۇشىن دە جەتى ايعا جازالانعان بولاتىن. انتيدوپينگ ەرەجەسىنە ساي, قاتارىنان ەكى رەت دوپينگپەن ۇستالعان اتلەت 8 جىلعا سپورتتان شەتتەتىلەدى.
ايتا كەتەيىك, ي.سوننان دوپينگتى قازاقستان ۇلتتىق دوپينگكە قارسى ورتالىعى انىقتاعان سوڭ, ونىڭ وليمپيادا مەن 2019 جىلعى الەم چەمپيوناتىنداعى جۇلدەسى وزىندە قالادى.