بۇل سۇراققا ەرتە جاستاعى بالالاردى دامىتۋ ينستيتۋتىنىڭ ديرەكتورى مانارا اداموۆا جاۋاپ بەردى, دەپ حابارلايدى Egemen.kz.
ەلىمىزدە جەكە مەنشىك بالاباقشالاردىڭ قۇنى 45 مىڭ تەڭگەدەن باستالادى. ودان جوعارى اقى سۇرايتىن بالاباقشالار دا بار. وسىنداي جەكەمەنشىك بالاباقشالار تاربيەشىلەرگە جوعارى ايلىق تولەۋگە مىندەتتى مە؟ وقۋ-اعارتۋ مينيسترلىگى ولارعا وسىنداي تالاپ قويا الا ما؟
«جەكە بالاباقشالارعا ءبىز ونى مىندەتتەي المايمىز. سەبەبى ولار ءوز قاراجاتىن ءوزى ءبولىپ, رەتتەپ وتىرادى. ەگەر مەملەكەتتەن تاپسىرىس الاتىن بالاباقشا بولسا, تاپسىرىسقا قاتىستى جەرگىلىكتى اتقارۋشى ورگانداردىڭ ۇسىنىستارى بولۋى مۇمكىن. بىراق كوبىنە ولار كەلىسىمشارتتا اتا-انالاردان الاتىن ۇستەماقىعا قانداي قىزمەت تۇرلەرىن كورسەتۋدى ۇسىنادى؟ قوسىمشا قانداي دا ءبىر ۇيىرمەلەرى بار ما, الدە بالالاردىڭ دەنساۋلىعىنا قاتىستى قوسىمشا باعدارلامالارمەن جۇمىس ىستەي مە؟ ياعني, قانداي نارسە ۇسىنادى, سونداي قىزمەت كورسەتەدى», دەدى ەرتە جاستاعى بالالاردى دامىتۋ ينستيتۋتىنىڭ ديرەكتورى مانارا اداموۆا.
سونىمەن قاتار ينستيتۋت ديرەكتورى جۇمىس ءتارتىبى, قاۋىپسىزدىك جانە سانيتارلىق نورمالار بارلىق بالاباقشاعا ورتاق تالاپ ەكەنىن ەسكە سالدى.
مانارا اداموۆانىڭ ايتۋىنشا, بۇگىندە مەكتەپكە دەيىنگى ءبىلىم بەرۋ ۇيىمىندا 5 جىلعا دەيىنگى ەڭبەك ءوتىلى جانە ەڭ تومەنگى ءىى ساناتى بار پەداگوگتىڭ ورتاشا ايلىعى – 164-172 مىڭ تەڭگە. ال تاجىريبەسى جوق, جۇمىسقا جاڭا ورنالاسقان مامانداردىڭ ورتاشا ايلىعى 94-120 مىڭ تەڭگەنىڭ اينالاسىندا بولادى.