عالىم, فيلوسوفيا عىلىمدارىنىڭ دوكتورى, پروفەسسور, قر ۇعا اكادەميگى ابدىمالىك نىسانباەۆ 86 جاسىندا قايتىس بولدى. قايعىلى حاباردى «عىلىم ورداسى» رمك راستادى, دەپ حابارلايدى Egemen.kz.
ابدىمالىك نىسانباەۆ 570-تەن استام عىلىمي, عىلىمي-ساراپتامالىق, عىلىمي-ادىستەمەلىك ەڭبەكتەر, سونىڭ ىشىندە 30 مونوگرافيا, جەكە كىتاپتار مەن وقۋ قۇرالدارىن جازعان. اكادەميكتىڭ بىرنەشە ەڭبەگى 25 تىلدە جارىق كورگەن.
ابدىمالىك نىسانباەۆتىڭ نەگىزگى زەرتتەۋ ەڭبەكتەرى ديالەكتيكا جانە تانىم تەورياسى, عىلىم فيلوسوفياسى مەن مەتودولوگياسى, قازاق جانە تۇركى فيلوسوفياسى, الەۋمەتتىك جانە ساياسي فيلوسوفيا, ساياساتتانۋ جانە مادەنيەتتانۋ ماسەلەلەرىنە نەگىزدەلگەنىن اتاپ ءوتۋ كەرەك.
ول قازاقستاندا عىلىمي مەكتەپ قالىپتاستىرىپ, عىلىم دوكتورلارى مەن كانديداتتارىن دايىنداعان.
اكادەميك عىلىم سالاسىنداعى ەڭبەگى ءۇشىن قازاقستاننىڭ (1984) جانە تۇركيانىڭ (1999) مەملەكەتتىك سىيلىقتارىن, قر پرەزيدەنتىنىڭ بەيبىتشىلىك پەن رۋحاني تاتۋلىق سىيلىعىن العان (1998), «وتان», «پاراسات» (2004) وردەندەرى (1998) مەن بىرنەشە مەدالدارمەن ماراپاتتالعان.