قر پرەمەر-ءمينيسترىنىڭ ءبىرىنشى ورىنباسارى رومان سكليار «گەرمانيا – ورتالىق ازيا» پارلامەنتتىك توبىنىڭ توراعاسى ويگەن شميدت باسقاراتىن گفر بۋندەستاگ دەلەگاتسياسىمەن كەزدەستى, دەپ حابارلايدى Egemen.kz.
سونىمەن قاتار تالقىلاۋعا دەپۋتاتتار توماس بارايسس, كريستيان گوركە, كريستيان شرايدەر, گفر-ءدىڭ قازاقستانداعى ەلشىسى مونيكا يۆەرسەن قاتىستى.
اڭگىمە بارىسىندا تاراپتار قازاق-نەمىس ساۋدا-ينۆەستيتسيالىق ءوزارا ءىس-قيمىلىنىڭ باسىم باعىتتارىن دامىتۋ ماسەلەلەرىن تالقىلادى, «جاسىل» ەكونوميكا جانە ەنەرگەتيكا سالاسىنداعى پەرسپەكتيۆالى جوبالار بويىنشا پىكىر الماستى.
قازاقستان مەن گەرمانيا اراسىنداعى تىعىز ساياسي ديالوگتى اتاپ وتكەن ر.سكليار ەكىجاقتى تاۋار اينالىمىنىڭ ءوسىپ كەلە جاتقانىنا جانە ءبىزدىڭ ەلىمىزگە تارتىلعان تىكەلەي نەمىس ينۆەستيتسيالارىنىڭ ۇلعايىپ جاتقانىنا نازار اۋداردى.
ءوز كەزەگىندە دەپۋتاتتار قر ۇكىمەتى جانىنداعى نەمىس بيزنەسىمەن ينۆەستيتسيالىق ىنتىماقتاستىقتى دامىتۋ جونىندەگى ارنايى جۇمىس توبىنىڭ قىزمەتىن جوعارى باعالاپ, گفر بۋندەستاگىنىڭ سالالىق كوميتەتتەرىنىڭ جەلىسى بويىنشا ءوزارا ءىس-قيمىلدى نىعايتۋعا ۇلەس قوسۋعا دايىن ەكەندەرىن ءبىلدىردى.