استانا. 20 ماۋسىم. مەملەكەت باسشىسىنىڭ جارلىعىمەن قاراعاندى وبلىسىنىڭ اكىمى بولىپ نۇرمۇحامبەت قاناپيا ۇلى ابدىبەكوۆ بەكىتىلدى. بۇل تۋرالى akorda.kz حابارلادى.
وبلىستىق ءماسليحاتتىڭ كەزەكتەن تىس سەسسياسىندا دەپۋتاتتار نۇرمۇحامبەت ابدىبەكوۆتىڭ كانديداتۋراسىن قولدادى.
قاراعاندى وبلىسىنىڭ اكتيۆىنە ايماقتىڭ جاڭا اكىمىن پرەزيدەنتى اكىمشىلىگىنىڭ باسشىسى نۇرلان نىعماتۋلين تانىستىردى.
نۇرمۇحامبەت ابدىبەكوۆ 1961 جىلى 21 جەلتوقساندا قوستاناي وبلىسى ارقالىق قالاسىندا تۋعان. 1984 جىلى تاۋ-كەن ينجەنەرى ماماندىعى بويىنشا ماسكەۋ تاۋ-كەن ينستيتۋتىن بىتىرگەن. تەحنيكا عىلىمدارىنىڭ كانديداتى. ەڭبەك جولىن 1984 جىلى ءشيلىساي فوسفوريت كەنىشىنىڭ شەبەرى, كەيىن تاۋ-كەن تسەحىنىڭ باستىعى بولىپ باستاعان.
ول 1996 جىلدان باستاپ مەملەكەتتىك قىزمەتكە ارالاسقان. اقتوبە, اتىراۋ وبلىستارىنىڭ اكىمدىكتەرىندە بىرقاتار باسشىلىق قىزمەتتەرگە تاعايىندالعان. 2004 باستاپ اقتوبە وبلىسى اكىمىنىڭ ورىنباسارى, اقتوبە قالاسىنىڭ اكىمى, يندۋستريا جانە ساۋدا ۆيتسە-ءمينيسترى قىزمەتتەرىن اتقارعان.
ال وسى تاعايىنداۋعا دەيىن ول اقتوبە وبلىسى اكىمىنىڭ ءبىرىنشى ورىنباسارى قىزمەتىندە بولدى.
جولدىباي بازار.
دەرەككوز: akorda.kz
فوتو: nur.kz.