20-24 اقپان ارالىعىندا ەكىباستۇز قالاسىنداعى مەكتەپتەر, كوللەدجدەر مەن قوسىمشا ءبىلىم بەرۋ ۇيىمدارىنىڭ وقۋشىلارى جەو-داعى اپات سالدارىنان ۇيدە وقيتىن بولادى, دەپ حابارلايدى Egemen.kz.
«ەكىباستۇز جىلۋ ەنەرگو» جشس دەرەكتەرى بويىنشا بۇگىنگى كۇنى قالادا جىلۋ بەرۋ وڭتايلى پارامەترلەرگە شىعارىلدى, الايدا ءبىلىم بەرۋ ۇيىمدارىنا ءۇي-جايلاردى جىلىتۋ جانە قاجەتتى تەمپەراتۋرالىق رەجيمگە قول جەتكىزۋ ءۇشىن ۋاقىت قاجەت.
ء«بىلىم بەرۋ ۇيىمدارىندا تەمپەراتۋرا مونيتورينگى كۇن سايىن جۇرگىزىلەدى. سانيتارلىق نورمالارعا سايكەس تەمپەراتۋرالىق رەجيمگە جەتكەن كەزدە مەكتەپتەر, كوللەدجدەر جانە قوسىمشا ءبىلىم بەرۋ ۇيىمدارى جەكە تارتىپپەن شتاتتىق وقىتۋ رەجيمىنە اۋىستىرىلادى», دەپ اتاپ ءوتتى قالانىڭ ءبىلىم بەرۋ باسقارماسىنان.
ناقتىلانعانداي, بالاباقشالاردا كەزەكشى توپتار جۇمىس ىستەيدى.