سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ دەپۋتاتتارى قازاقستان رەسپۋبليكاسى ىشكى ىستەر مينيسترلىگىنىڭ جەدەل باسقارۋ ورتالىعىندا بولدى. دەپۋتاتتار مينيسترلىك باسشىلىعىمەن كەزدەسۋدە پرەزيدەنتتىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى قازاقستان حالقىنا جولداۋىنداعى قوعامدىق قاۋىپسىزدىكتى كۇشەيتۋ جونىندەگى مىندەتتەردى ىسكە اسىرۋ ماسەلەلەرىن تالقىلادى, دەپ حابارلايدى Egemen.kz.
ىشكى ىستەر ءمينيسترى مارات احمەتجانوۆ دەپۋتاتتاردى پوليتسيا قىزمەتىنە نەگىزگى IT - ونىمدەر مەن زياتكەرلىك تسيفرلىق جۇيەنى ەنگىزۋدىڭ نەگىزگى باعىتتارىمەن تانىستىردى. سونداي-اق سالانى ودان ءارى جاڭعىرتۋ جانە قىلمىسقا قارسى كۇرەستى وڭتايلاندىرۋ جونىندەگى ءوز ويلارىمەن ءبولىستى.
سەناتورلار ەلىمىزدىڭ حالقىن تولعاندىرىپ وتىرعان بىرقاتار ماسەلەلەردى, اتاپ ايتقاندا, «سەرگەك» كامەرالارى جۇمىسىنىڭ تيىمدىلىگى, ەلەكتروندى بىلەزىكتەردى ەنگىزۋدى, اۆتومەكتەپتەر مەن تەحنيكالىق بايقاۋ ورتالىقتارىنىڭ قىزمەتىن ليتسەنزيالاۋدى تالقىلادى.
«قازىر ىشكى ىستەر ورگاندارى قىزمەتىنىڭ بارلىق باعىتىنداعى جۇمىسقا ىقپال ەتەتىن زاڭنامالىق شارالاردى قابىلداۋ جونىندە اۋقىمدى جۇمىستار جۇزەگە اسۋدا. ول كۇندەلىكتى قوعامدىق ءتارتىپتى قامتاماسىز ەتۋ, قىلمىسپەن كۇرەسۋ ماسەلەلەرىنە دە, باسبوستاندىعىنان ايىرۋ ورىندارىنداعى جاعدايعا دا قاتىستى. وسى شارالاردىڭ بارىمەملەكەت باسشىسىنىڭ قۇقىق ۇستەمدىگىن قامتاماسىز ەتۋ جانە قوعامدىق قاۋىپسىزدىكتى كۇشەيتۋ جونىندەگى تاپسىرماسىن ىسكە اسىرۋعا باعىتتالعان», دەپ اتاپ ءوتتى سەناتور اندرەي لۋكين.
دەپۋتاتتار كەزدەسۋدى قورىتىندىلاي كەلىپ ىشكى ىستەر ورگاندارىنىڭ قىزمەتىن جەتىلدىرۋدى كوزدەيتىن سىندارلى جۇمىستاردى مينيسترلىكپەن بىرلەسە وتىرىپ جۇزەگە اسىرۋعا سەنىم ءبىلدىردى.