سۇلۋلىق ءرامىزى

ايتا كەتەيىك, گالا-بالەتكە اعىلشىن ۇلتتىق تەاترى, «استانا وپەرا», ۇلكەن تەاتر, كرەمل سارايى, ميحايلوۆسكي تەاترى, نيدەرلاند ۇلتتىق با­لەتى, بەرلين مەملەكەتتىك با­لەتى سەكىلدى الەم­نىڭ جە­تى تەاترىنان 12 پري­ما-بالە­رينا مەن ەتۋال­دەر قا­تىس­تى. كونتسەرتتىڭ ءبى­رىن­شى كۇنىندە ليماسسولداعى (كيپر) «پات­تيحيو» تەاترىن­دا كو­رەر­­مەندەرگە كلاسسيكا­لىق ­جانە زاماناۋي بالەتتەن ۇزدىك نومىر­­لەر ۇسىنىلدى. بۇل باعدارلا­ما­نى گالا­نىڭ كور­كەمدىك جەتەك­شىسى, ۇلكەن تەاتر­دىڭ پرەمەرى يگور تسۆيركو جاسا­عان. ال 15 اقپاندا وتاندا­سى­مىز ەل استاناسىن­داعى نيكو­سيا مۋنيتسيپالدىق تەات­رىن­دا ونەر كورسەتتى.

– Celebrity ballet gala ۇيىم­داستىرۋشىلارىمەن بۇرىننان تانىسپىن. ولار مەنىڭ ونەرىمدى باعالاپ, وسى بالەت كەشىنىڭ قو­ناعى بولۋعا شاقىردى. مۇندا دۇنيە جۇزىنەن ۇزدىك بيشىلەر جينالدى, ولاردى زاماناۋي بالەت ونەرىنىڭ قايماعى دەسەك بو­لادى. وسىناۋ كەرەمەت ما­دەني كەشكە قاتىسىپ, «استانا وپەرا» تەاترىن تانىستىرىپ جات­قانىما قۋانىشتىمىن, – دەدى قازاق­ستاننىڭ ەڭبەك سىڭىرگەن قاي­راتكەرى باقتيار ادامجان.

كيپرلىكتەر ونىڭ ورىن­داۋىن­­داعى سەنكينگتىڭ مۋزىكاسىنا «In the wake» زاماناۋي ءنومىرى مەن تسەزار ءپۋنيدىڭ «ەس­مەرالدا» بالەتىنەن «ديانا جانە اكتەون» پا-دە-دەسىن جىلى قا­بىل­دادى. «In the wake» ءنومىرىن باقتيار ادامجانعا وسىدان بىر­نەشە جىل بۇرىن اتاقتى زاماناۋي قىتايلىق حو­رەوگراف يسيان چجان ارناعان بولاتىن. ال ءنو­مىردىڭ باسى مەن سوڭىن باق­تيار ادامجان ءوزى ويلاپ تاپقان.

جالپى, شەتەلدىك ساحنالاردا ءجيى ونەر كورسەتەتىن باقتيار ادامجان ۇنەمى ماماندار­دىڭ جوعارى باعاسىن الىپ ءجۇر. تا­نىمال بالەتمەيستەرلەر ونىڭ تەحنيكاسى مول ەكەنىن, شە­بەرلىگىن بىردەن باي­قاي­دى. كو­بىسىن ءبيشىنىڭ بيىك سەكىرۋ­لە­رى­نەن بىردە-ءبىر دىبىس شىق­پاي­تى­نى تاڭعالدىرادى. وسى­لاي دى­بىسسىز سەكىرەتىن قابىلەتى ءۇشىن باقتيار ادام­جان بىرنەشە ۇلكەن تەاتردا «مى­سىق» دەگەن لا­قاپ اتقا يە بولدى.

«استانا وپەرانىڭ» جەتەك­شى ءسوليسى قاي شىعارمانى ورىن­داسا دا, ءاردايىم ەرلەر ءبيى­نىڭ مادەنيەتىن ساقتايدى. جىل باسىنان بەرى بالەت جۇلدىزى بىر­قاتار حالىقارالىق جوباعا قا­تىسىپ ۇلگەردى. 28 قاڭتار مەن 4 اقپان ارالىعىندا ول ساحنا­داعى جۇبى – «استانا وپەرا» تەاترىنىڭ ءسوليسى شۇعىلا ادەپحانمەن سيدنەي, بريسبەن جانە مەلبۋرندە (اۋستراليا) وتكەن Ballet International Gala الەمدىك شوۋىندا ونەر كورسەت­تى. بالەتتىك جۇپ جاسىل قۇر­لىق تۇر­عىندارىن وسىمەن ءۇشىنشى ­رەت تاڭعالدىرىپ وتىر.

سونداي-اق Ballet International Gala-داعى ونەرى اياسىندا باق­تيار ادامجان وسى سالاداعى جاس ارتىستەرگە شەبەرلىك ساعاتىن وت­كىزدى. اڭگىمە بارىسىندا ءبيشى تامىزدا اۋسترالياعا ءتورتىن­شى رەت ونەر كورسەتۋگە شاقىرۋ العانىن ايتتى. بۇدان بولەك ونى الداعى 1-2 ساۋىردە يتاليا­نىڭ بولونيا قالاسىندا وتەتىن «ەتۋالدەر» گالا-كونتسەرتىندە كۇتەدى.

– الدا كوپ جوسپار بار. ءتۇرلى حالىقارالىق جوبالارعا قاتى­سۋ­عا شاقىرۋ ءتۇسىپ جاتىر. قازان­­دا جەنەۆادا يوگانن سەباستيان باحتىڭ مۋزىكاسىنا ء«جاسوسپى­رىم جانە ءولىم» بالەتىنىڭ پرەمەراسى وتەدى, ول جاقتا دا ونەر كورسەتۋگە ۇسىنىس الدىم. ايتايىن دەگەنىم, جوبالاردىڭ اراسىنان بەدەل­دىسىن تاڭداۋعا مۇمكىنشىلىك بار. ولارعا «استانا وپەرا» تەاترىنان ارىپتەستەرىمدى قاتىستىرۋعا تىرىسىپ جاتىرمىن, – دەيدى ول.

الەمنىڭ ءار تۇكپىرىندە وتە­تىن سپەكتاكلدەر مەن گالا-كون­تسەرتتەردەن بولەك بالەت جۇل­دىزى تەاتر رەپەرتۋارىنداعى قو­يى­لىمدارعا دا قاتىسادى. باق­تيار ادامجان كورەرمەنگە ناۋ­رىز­دا ۇسىنىلاتىن حورەوگرافيا جاۋ­ھارى – م.جارردىڭ مۋزىكاسىنا ر.پەتيدىڭ «پاريج قۇداي انا­سىنىڭ سوبورى» بالەتىندە ­ساح­­ناعا شىعادى.