23 اقپان مەن 5 ناۋرىز ارالىعىندا رەسەيدىڭ كەمەروۆ وبلىسىندا ءىى «ازيا بالالارى» قىسقى سپورت ويىندارىنىڭ الاۋى تۇتانادى. حالىقارالىق باسەكەگە ازيامەن قاتار, ەۋروپانىڭ بىرقاتار ەلىنەن 16 جاسقا دەيىنگى سپورتشىلار قاتىسادى.
ناقتىراق ايتار بولساق, ءار ەلدىڭ كوماندالارى 22 اقپاننان باستاپ كۋزباسس قالاسىنا بارا باستايدى. ال 23 اقپاندا رەسمي جاتتىعۋلار باستالادى. ويىنداردىڭ رەسمي اشىلۋى 25 اقپاندا «كۋزباسس» مۇز سارايىندا وتەدى. جابىلۋ سالتاناتى 4 ناۋرىزعا جوسپارلانعان. بۇل جولى مىڭعا جۋىق جاس سپورتشى سپورتتىڭ 10 تۇرىنەن جۇلدەگە تالاسادى. ايتا كەتەيىك, «ازيا بالالارى» اراسىنداعى العاشقى قىسقى سپورت ويىندارى 2019 جىلعى 8-16 اقپان ارالىعىندا ساحالين وبلىسىندا وتكەن ەدى.
سپورتتى دامىتۋ ديرەكتسياسىنىڭ مالىمەتى بويىنشا, «ازيا بالالارى» 1996 جىلى قازىرگى وليمپيا ويىندارىنىڭ 100 جىلدىعىنا وراي ۇيىمداستىرىلعان. سودان بەرى 4 جىلدا ءبىر رەت جازعى سپورت تۇرلەرىنەن ءوتىپ كەلەدى. وسى ارالىقتا رەسەي مەن ازيانىڭ 30-دان استام مەملەكەتىنەن جاس سپورتشىلار باق سىنادى.