پرەمەر-مينيستر ءاليحان سمايىلوۆتىڭ توراعالىعىمەن وتكەن كەڭەستە قازاقستاننىڭ ىشكى نارىعىن جانار-جاعارماي ماتەريالدارىمەن قامتاماسىز ەتۋ ماسەلەلەرى تالقىلاندى, دەپ حابارلايدى Egemen.kz.
تالقىلاۋ بارىسىندا الداعى ەگىس ناۋقانىنا بايلانىستى مۇنايمەن قامتاماسىز ەتۋ, اراداعى دەلدالدىقتى بولدىرماۋ ماسەلەلرى ايتىلدى.
تالقىلاۋعا ەنەرگەتيكا مينيسترلىگىنىڭ, «سامۇرىق-قازىنا» اق جانە «قازمۇنايگاز» ۇلتتىق كومپانياسىنىڭ باسشىلارى قاتىستى.
پرەمەر-مينيستر وندىرۋشىلەردىڭ ىشكى نارىققا جانار-جاعارماي ماتەريالدارىن ۇزدىكسىز جەتكىزۋىن قامتاماسىز ەتۋ, سونداي-اق كەز كەلگەن جاعدايعا ۋاقىتىلى جەدەل ارەكەت ەتۋ ءۇشىن قورلار مەن ساتىلىمدارعا تۇراقتى رەجيمدە مونيتورينگ جۇرگىزۋ قاجەتتىگىن ايتتى.