قازاقستاندىق جانە شەتەلدىك əۋەسقويلار 19 اقپاندا «بۋراباي» ۇلتتىق ساياباعىنا جينالىپ, جۇمباقتاستىڭ جانىندا, قالىڭ مۇز قاتقان ايدىن بەتىندە ەكسترەمالدى جارىسقا قاتىسادى, دەپ حابارلايدى Egemen.kz.
پرەزيدەنت ءىس باسقارماسىنا قاراستى «بۋراباي-دامۋ» جشس, «بۋراباي» ۇلتتىق پاركى, «ەكسترەمالدى اتلەتيكا» قوعامدىق بىرلەستىگى جانە «Rebel Running» جك بىرلەسىپ ارقانىڭ قاتال قىسىنا, ىزعارلى جەلىنە جəنە كريستال مۇزىنا قارسى تۇراتىندارعا وسىنداي ەرەكشە سىناق دايىنداپ وتىر.
جارىس بىرنەشە قاشىقتىقتا وتەدى: 7 كم, 14 كم جəنە 21,1 كم جۇگىرۋ نەمەسە 7 كم سكانديناۆيالىق ءجۇرىس.
سايىسقا قاتىسۋعا 200-دەن استام سپورتشى تىركەلدى. ولاردىڭ اراسىندا اقش, كانادا, افريكا, ەۋروپا ەلدەرىنىڭ, وزبەكستان, قىرعىزستان, موڭعوليا سپورتشىلارى, سونداي-اق قازاقستاننىڭ بارلىق وبلىستارىنىڭ سپورتشىلارى بار. تىركەۋ ءالى جالعاسىپ جاتىر.
«قىس مەزگىلىندە كولدىڭ مۇزايدىنىندا بۇقارالىق سپورت جارىسىن وتكىزۋ ەلىمىزدە بۇرىن-سوڭدى بولىپ كورگەن ەمەس. ءبىز العاش رەت قولعا الىپ وتىرمىز. تابيعاتى اسەم بۋراباي وڭىرىندە, اتى اڭىزعا اينالعان جۇمباقتاستىڭ جانىنداعى ەكسترەمالدى سايىس وتە قىزىقتى وتەدى دەگەن سەنىمىمىز مول. ارينە اۋەسقوي سپورتشىلار ءۇشىن بۇل سىناق وڭايعا تۇسپەيدى. دەگەنمەن وسىنداي سىناق ادامنىڭ ەرىك-جىگەرىن شىڭداۋعا دا كومەكتەسەدى. «بۋراباي-دامۋ» سەرىكتەستىگىنىڭ ماقساتى – وسىنداي ءىس-شارالار ارقىلى ءوڭىردىڭ اسەم تابيعاتىن جۇرتشىلىققا ناسيحاتتاي وتىرىپ تۋريستەردىڭ قىزىعۋشىلىعىن ارتتىرۋ, سونداي-اق سالاۋاتتى ءومىر سالتىن ناسيحاتتاۋ. ءبىزدىڭ كومپانيانىڭ قۇرىلعانىنا بيىل 8 جىل تولادى, سول سەبەپتى بيىل وسىنداي ءىس-شارالار كوبىرەك وتكىزىلەتىن بولادى», دەدى «بۋراباي-دامۋ»جشس باس ديرەكتورىنىڭ ورىنباسارى قاسىمجان كەنجەشوۆ.
بۇل جارىسقا كەز كەلگەن جاستاعى سپورتشىلار مەن جاستار قاتىسا الاتىنىن ايتا كەتەيىك. مارەگە جەتكەن سپورتشىلاردىڭ قاي-قايسىسى دا جۇلدەسىز قالماي, بارلىعى ماراپاتتالادى.
سپورتشىلار جارىس جولىنا 19 اقپان كۇنى ساعات 10:00-دە مارەدەن اتتانادى.