ازيا تەننيس فەدەراتسياسى (ATF) مەن «Tennis Europe» 14 جانە 16 جاسقا دەيىنگى تەننيسشىلەردىڭ رەيتينگتەرىن جاڭارتتى.
14 جاسقا دەيىنگىلەردىڭ ەۋروپالىق رەيتينگىندە قازاقستان تەننيسشىلەرىنەن ياروسلاۆ پشەنيچنىي كوش باستاپ تۇر. ول – رەيتينگتە 64-ورىندا. كەيىنگى ساتىلارعا ميحايل ميششەنكو (114-ورىن) مەن روبەرت كامينسكي (139) جايعاسقان. قىزدار اراسىنداعى رەيتينگتە ەۆا كورىشەۆا توپ-50 تەننيسشىنىڭ قاتارىنا جاقىنداپ كەلەدى. كەشەگى رەيتينگتە ول 59-ورىنعا كوتەرىلدى. سونىمەن قاتار توميريس نۇرجان – 173-ءشى, ەركەجان جاڭاتاەۆا 183- ساتىعا ورنالاسقان.
16 جاسقا دەيىنگىلەر اراسىنداعى ATF رەيتينگىندە ادەتتەگىدەي كارىم تەمىرلان ءبىرىنشى ورىندا كەلەدى. قىزدار اراسىنداعى توپ-10 تەننيسشىنىڭ قاتارىندا قازاقستاننىڭ بەس وكىلى بار. ولار: سافينا سافيۋلينا (2-ورىن), اريانا گوگۋلينا (4), دانايا امانعاجيەۆا (7), پولينا سلەپتسوۆا (8) جانە ەركەجان جاڭاتاەۆا (9).