اتىراۋ وبلىسىندا جول اپاتىنان ەكى ادام قايتىس بولدى, ءتورت ادام اۋرۋحاناعا جەتكىزىلدى, دەپ حابارلايدى Egemen.kz.
جەرگىلىكتى پوليتسيا دەپارتامەنتىنىڭ مالىمەتىنشە, وقيعا بۇگىن ساعات 15:00 شاماسىندا بولعان. انىقتالعانداي, «اتىراۋ-يندەر» باعىتىنداعى تاسجولدىڭ 72-شاقىرىمىندا Toyota Ipsum جانە Lada Grantا اۆتوكولىكتەرى سوقتىعىسقان.
«اپات سالدارىنان Lada Granta اۆتوكولىگىنىڭ 1997 جىلعى جۇرگىزۋشىسى وقيعا ورنىندا كوز جۇمدى. ال 1962 جىلعى جولاۋشى اۋرۋحانادا قايتىس بولدى. ءتۇرلى دەنە جاراقاتىن الىپ, زارداپ شەككەن تoyota Ipsum كولىگىنىڭ جۇرگىزۋشىسى مەن 3 جولاۋشى ماحامبەت اۋداندىق ورتالىق اۋرۋحاناسىنا جەتكىزىلدى», دەلىنگەن ۆەدومستۆو حابارلاماسىندا.
جول اپاتىنان كەيىن Toyota Ipsum كولىگى ورتەنىپ كەتكەن. قازىر اتالعان وقيعاعا بايلانىستى قر قىلمىستىق كودەكسىنىڭ 345-بابى 4-بولىگىمەن سوتقا دەيىنگى تەرگەۋ ءجۇرىپ جاتىر.