«بايتاق» قۇجاتى تالاپقا ساي

جيىنعا «بايتاق» جاسىلدار پار­تياسىنىڭ وكىلدەرى, وبلىس­تار­دىڭ, استانا, الماتى جانە شىمكەنت قالالارىنىڭ اۋماقتىق سايلاۋ كوميسسيالارى بەينەكونفەرەنتسيا رەجىمىندە قوسىلدى جانە بۇقارالىق اقپا­رات قۇرالدارىنىڭ وكىلدەرى قاتىستى. سونداي-اق باس پروكۋراتۋرا, ادىلەت, ىشكى ىستەر, قار­جى مينيسترلىكتەرىنىڭ جاۋاپ­تى لاۋازىمدى تۇلعالارى, ەۋرو­پاداعى قاۋىپسىزدىك جانە ىن­تى­ماقتاستىق ۇيىمىنىڭ دە­مو­كرا­تيالىق ينستيتۋتتار جانە ادام قۇ­قىقتارى بيۋرو­سى­نىڭ سايلاۋ­دى بايقاۋ ميس­سيا­سىنىڭ وكىلى شا­قى­رىل­دى.

ورتالىق سايلاۋ كوميس­سيا­سى­نىڭ توراعاسى نۇرلان ءابدىروۆ ەلى­مىز­دە تىركەلگەن 7 ساياسي پارتيا­نىڭ بارلىعى پارتيالىق تىزىمدەر بويىنشا پارلامەنت ءماجىلىسى دەپۋ­تات­تارىنىڭ سايلاۋىنا قاتى­سۋ­عا جىبەرىلگەنىن اتاپ ءوتتى. سونداي-اق ول 7 اقپاندا وسك-عا پارلامەنت ءماجىلىسى دەپۋتاتتارىن سايلاۋعا پارتيالىق ءتىزىمدى ۇسىنۋ تۋرالى «بايتاق» جاسىلدار پارتياسىنىڭ قۇجات­تارى تاپسىرىلعانىن ەسكە سالدى. ورتالىق سايلاۋ كوميس­سياسى سايلاۋ زاڭناماسىنا ساي­كەس كانديداتتاردىڭ كون­ستي­­تۋتسيا جانە سايلاۋ تۋرالى كونستي­تۋ­تسيالىق زاڭمەن قو­يى­­لاتىن تالاپ­تار­عا سايكەس­تىگىن انىقتاۋ بويىنشا ءتيىستى راسىمدەر جۇرگىزدى.

ورتالىق سايلاۋ كوميس­سيا­سىنىڭ مۇشەسى ءسابيلا مۇستافينا «قازاقستان رەسپۋب­لي­كا­سىنداعى سايلاۋ تۋرالى» كونستيتۋتسيالىق زاڭنىڭ 89-بابىنا سايكەس تىركەۋگە ءبىر ساياسي پارتيادان ءبىر عانا ءتىزىم جىبەرىلەتىنىن, وعان ساياسي پارتيالار اراسىندا بولىنەتىن دە­پۋ­تات­تىق مانداتتاردىڭ بەل­گى­لەنگەن سانىنىڭ 30 پايىزدان اسپايتىن ادامدار سانى ەنگىزىلگەنىن حابارلادى. پار­تيا­لىق تىزىمدە ايەلدەر, جاستار جانە مۇگەدەكتىگى بار ادامدار سانى جيىنتىق بو­يىنشا وعان ەنگىزىلگەن ادام­دار­دىڭ جالپى سانىنىڭ كەمىندە 30 پا­يى­زىن قۇراۋعا ءتيىس. بەلگىلى بولعانداي, «بايتاق» جاسىلدار پارتياسىنىڭ 18 ادامنان تۇرا­تىن پارتيالىق ءتىزىمدى ۇسىن­عان. تىزىمدەگى 6 كانديدات ايەلدەر, جاس­تار جانە مۇگەدەكتىگى بار ادامدار ساناتقا جاتادى, ياعني تالاپقا سايكەس 38,9 پايىزدى قۇرايدى. پار­تيالىق تىزىمگە ەنگى­زىلگەن بار­لىق ادام كونستيتۋتسيا مەن سايلاۋ تۋرالى كونستيتۋتسيالىق زاڭ­نىڭ تالاپتارىنا سايكەس كەلە­دى. ءسابيلا مۇستافينا پار­تيا­لىق تىزىمدەردى ۇسىنعان سايا­سي پارتيالار پارتيالىق تىزىم­گە ەنگىزىلگەن ءاربىر ادام ءۇشىن زاڭنامادا بەلگىلەنگەن ەڭ تو­مەنگى جالاقىنىڭ ون بەس ەسە­لەنگەن مولشەرىندە ورتالىق سايلاۋ كوميسسياسىنىڭ شوتىنا سايلاۋ جارناسىن ەنگىزەتىنىن حابارلادى. پارلامەنت ءماجىلىسى دەپۋتاتتارىنىڭ الدىڭعى سايلاۋىندا داۋىس بەرۋگە قاتىسقان سايلاۋشىلاردىڭ 5 جانە ودان دا كوپ پايىزىن العان ساياسي پارتيالار سايلاۋ جارناسىن تولەمەيدى. 2021 جىلعى قاڭ­تار­دا وتكەن پارلامەنت ءماجى­لىسى دەپۋتاتتارىنىڭ سايلاۋى­­­نا «بايتاق» جاسىلدار پارتياسى قا­تىس­قان جوق. وسىعان بايلانىس­تى اتالعان پارتيا 18 ملن 900 مىڭ تەڭگە سايلاۋ جارناسىن تولەدى.

كوميسسيا مۇشەلەرى ساي­كەس­تىك­تى انىقتاۋ جانە تىركەۋ تۋرالى ءتيىستى حاتتامالارعا قول قوي­عان­نان كەيىن «2023 جىلعى 19 ناۋرىزعا تاعايىندالعان پار­لامەنت ءماجىلىسى دەپۋتات­تا­رىنىڭ كەزەكتەن تىس سايلاۋىندا «بايتاق» جاسىلدار پار­تيا­سى­نىڭ قوعامدىق بىرلەس­تى­گى­نىڭ پارتيالىق ءتىزىمىن تىركەۋ تۋرالى» قاۋلى قابىلدادى. تىر­كەلگەن كانديداتتار ءتيىستى كۋا­لىك­تەرىن الدى.