تۇركيانىڭ وڭتۇستىك-شىعىسىنداعى كاحرامانماراس پروۆينتسياسىنىڭ دۋلكاديروگلۋ اۋدانىندا جەر سىلكىنىسىنەن 198 ساعات وتكەن سوڭ ەكى اعايىندى ءۇيىندى استىنان تابىلدى, دەپ حابارلايدى Egemen.kz.
جەرگىلىكتى باق-تىڭ حابارلاۋىنشا, بۇگىن قيراعان ۇيلەردىڭ استىنان 17 جاستاعى موحاممەد ەنەس يەنينار مەن ونىڭ 21 جاستاعى ۇلكەن اعاسى باكي يەنينار شىعارىلدى. ولار اۋرۋحاناعا جاتقىزىلدى.
قۇتقارۋشىلار اپات ايماعىنان امان قالعانداردى تابۋدان ءۇمىتىن ۇزبەيدى. اقپاننىڭ 12-ءسى كۇنى تۇرىك قۇتقارۋشىلارى جۇرەك تەبىرەنتەرلىك كادرلارمەن ءبولىستى. 140 ساعاتتاي ءۇي قيراندىسىنىڭ استىندا جاتقان 7 ايلىق ءسابي امان-ەسەن قۇتقارىلدى.
11 اقپاندا تۇركيانىڭ ادياما قالاسىندا جەر سىلكىنىسى بولعاننان كەيىن 114 ساعات وتكەن سوڭ ءۇيىندى استىنان 10 جاستاعى بالا شىعارىلدى.